Biełaruskija biblijateki zachraśli ŭ minułym stahodździ

Pavodle apošnich aficyjnych dadzienych, u Biełarusi 3738 publičnych biblijatek. Karyść ad ich biez naśpiełych reform niaŭchilna źnižajecca.

Što rabić? Adkazy na mnohija pytańni ŭ hetaj śfiery ŭžo byli znojdzienyja padčas reformaŭ u Jeŭrasajuzie, vopyt całkam možna było b pieradać Biełarusi ŭ miežach «Jeŭrapiejskaha dyjałohu ab madernizacyi».

Adnak siońnia ŭłady ihnarujuć nie tolki zamiežny dośvied takich reformaŭ, ale i navat ułasnyja płany.

Jeŭrapiejskija padkazki

Nieabchodnaść refarmavać biblijateki — heta nie ŭnikalnaja biełaruskaja prablema. Tak ci inakš z padobnaj zadačaj sutyknulisia usie krainy: u XXI stahodździ funkcyi biblijatek paprostu źmianiajucca.

Taki farmat biblijateki praduhledžvaje nie tolki palicy z knihami, ale i ŭ bolšaj stupieni hibrydyzacyi roznych ustanoŭ u adnoj prastory: adukacyjny centr, vystaŭnaja zała, prastora dla hramadskich inicyjatyŭ.

Ale pierš čym bracca za hetyja novyja spravy, biblijatekam treba było b razabracca z samym tradycyjnym — knihazachavańniem.

Siońnia ŭ Biełarusi roznyja biblijateki padparadkoŭvajucca roznym dziaržstrukturam, u vyniku čaho možna nazirać u pary sotniaŭ mietraŭ adna ad adnoj biblijateku škoły, univiersiteta i miascovuju rajonnuju (haradskuju).

Biełarusi tut jość u kaho pavučycca: z anałahičnaj situacyjaj užo spravilisia ŭ Jeŭrasajuzie, dzie biblijateki finansujucca i kaardynujucca na municypalnym uzroŭni.

Infarmatyzacyja pravaliłasia

Paŭnavartaja praca ź infarmacyjaj niemahčymaja biez vykarystańnia sučasnych techničnych srodkaŭ — infarmatyzacyi biblijatečnaj sistemy. Jak adznačaŭ Uładzimir Šyškin, namieśnik načalnika ŭpraŭleńnia ŭstanoŭ kultury i narodnaj tvorčaści Minkulta, «biblijateki źjaŭlajucca bazavym elemientam u pracesie infarmatyzacyi hramadstva».

Taho ž mierkavańnia byli i aŭtary dziaržprahramy «Elektronnaja Biełaruś» na 2003–2010 hady, paviedamlajučy, što «najbolš prasunutaj u vykarystańni infarmacyjna-kamunikacyjnych technałohij źjaŭlajecca biblijatečnaja halina, u jakoj jany vykarystoŭvajucca jak dla aŭtamatyzacyi ŭnutrybiblijatečnaj pracy, tak i dla farmavańnia elektronnych infarmacyjnych resursaŭ u metach pradastaŭleńnia ich karystalnikam «.

U ramkach dziaržprahramy heta vyjaviłasia ŭ nastupnych punktach: «Stvaryć karparatyŭnuju biblijatečnuju sietku ŭ składzie Nacyjanalnaj biblijateki Biełarusi, respublikanskich i abłasnych biblijatek i rehijanalnych infarmacyjnych centraŭ» i «Stvaryć na bazie sietki respublikanskich biblijatek sistemu karparatyŭnaj katałahizacyi vydańniaŭ i viadzieńnia zvodnaha elektronnaha katałoha».

Jaki ž vynik vaśmi hadoŭ pracy nad dziaržprahramaj?

Jaje zadača — «aŭtamatyzavać biblijahrafičnuju rehistracyju ŭsioj knižnaj pradukcyi i srodkaŭ masavaj infarmacyi Biełarusi, zabiaśpiečvać dostup addalenych karystalnikaŭ da resursaŭ dziaržaŭnaj biblijahrafičnaj infarmacyi Biełarusi, a aŭtaryzavanyja karystalniki mohuć samastojna farmiravać zapyty i atrymlivać nieabchodnuju infarmacyju z bazy dadzienych». Hučyć pryhoža, adnak u rečaisnaści jość tolki «Zvodny elektronny katałoh», jaki abjadnoŭvaje fondy tolki troch (!) biblijatek.

Vidavočna, što dla zručnaha karystańnia patrebien paŭnavartasny ahulnanacyjanalny katałoh, jaki ŭklučaje ŭ siabie ŭsie fondy ŭsich biblijatek.

Jość i bolš blizkija — hieahrafična i palityčna — prykłady realnaj infarmatyzacyi biblijatečnaj sistemy. Tak, va Ukrainie isnuje paŭnavartasny ŭsieŭkrainski elektronny katałoh biblijatečnych fondaŭ. Pakolki ŭsie biblijateki majuć svaju śpiecyjalizacyju (naprykład, litaratura na francuzskaj movie ci pa jurysprudencyi), kožnaja ź ich papaŭniaje elektronny katałoh svajoj častkaj materyjałaŭ.

Vynikovy katałoh usich biblijatečnych fondaŭ jość u adkrytym dostupie ŭ internecie.

Nie vychodziačy z domu, kožnyachvotny moža znajści ŭ katałohu patrebnuju knihu, zamović jaje i praź niekatory čas atrymać papiarovuju viersiju ŭ bližejšaj biblijatecy.

Pahroza kansiervacyi

Kodeks pra kulturu, jaki znachodzicca na stadyi abmierkavańnia, pieršapačatkova daŭ nadzieju na tak nieabchodnyja reformy.

Inšaja prablema — heta dziaržprahrama «Kultura Biełarusi» na 2011–2015 hady, jakaja kanceptualna viadzie da kansiervacyi ciapierašniaj situacyi ŭ biblijatekach i nie miarkuje realna patrebnych reformaŭ.

Pry zachavańni siońniašnich tendencyj maralnaje sastareńnie biblijatek u pierśpiektyvie budzie tolki narastać.

• 0
• 0
• 0
• 0
• 0
• 0
• 0
• 0