Śledčyja jašče pravodziać pravierku, a kalehi raskazvać pra akaličnaści.
4 kastryčnika na zavodzie «BiełTAPAZ» u Hrodnie zahinuli dva siabry. Adzin vypadkova raźjechaŭ druhoha na MAZie, a paśla ŭ rospačy zarezaŭ siabie. Ciapier stanoviacca viadomymi padrabiaznaści trahiedyi.
«Heta sapraŭdy byli najlepšyja siabry, — raskazaŭ «Našaj Nivie» adzin z rabotnikaŭ zavoda. — A ŭ toj dzień adbyłosia voś što. Im uručyli hramaty za vykananuju pracu. I jany vyrašyli adznačyć heta na zavodzie. Adzin, prabačcie, pajšoŭ u tualet, a druhi tym časam pahnaŭ u haraž MAZ. I najechaŭ na siabra, a paśla ŭ šokavym stanie zarezaŭ siabie».
Paviedamlałasia, što mužčyna ŭ rospačy zakryčaŭ, što nie daruje sabie śmierć siabra. Heta sapraŭdy tak?
«Tak, było takoje. Spačatku jon na mašynie chacieŭ siabie zabić: urezacca ŭ jaki-niebudź cech. Ale klučy zdoleli ŭ jaho zabrać, a nož nie paśpieli».
«Padčas ahladu miesca zdareńnia, ustanaŭleńnia i apytańnia vidavočcaŭ, praviadzieńnia inšych śledčych dziejańniaŭ, śledčyja, ekśpierty-kryminalisty i supracoŭniki milicyi ŭstanavili, što kiroŭca aŭtamabila MAZ 1957 hoda naradžeńnia ździejśniŭ najezd na kiroŭcu 1968 hoda naradžeńnia, u vyniku čaho toj ad atrymanych traŭm pamior na miescy.
Paśla zdareńnia kiroŭca MAZa skončyŭ žyćcio samahubstvam u kabinie aŭtamašyny: nanios sabie nažavoje ranńnie hrudnoj kletki», — paviedamiŭ pradstaŭnik Upraŭleńnia Śledčaha kamiteta pa Hrodzienskaj vobłaści Siarhiej Šaršanievič.
Pa jaho słovach, pravierka jašče pravodzicca. Pryznačany šerah ekśpiertyz.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva1
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary