U Ašmianach spynili vytvorčaść chleba: chlebazavod atakavali muchi i vierabji
U Ašmianach spynili vytvorčaść chleba. Pryčynaj takoha rašeńnia stała «niačystaja» karcina ŭ cechach na miascovym chlebazavodzie. Tam, dzie zamiešvajuć ciesta i piakuć chleb, žyvuć ptuški, a sa srodkaŭ baraćby z muchami, jakim tut razdolle — tolki klejkaja stužka.
Termin «madernizacyja» zastajecca ŭsiaho tolki słovam. Jak dapuścili takuju situacyju, chto ciapier budzie piačy chleb dla žycharoŭ Ašmianaŭ?
Zvaračny aparat — śviedčańnie zaciahnutaj madernizacyi — znachodzicca ŭsiaho ŭ troch krokach ad miesca, dzie vypiakajuć chleb. Ale navat toj fakt, što vieści ramont u takoj blizkaści ad vytvorčaści — parušeńnie ŭsich sanitarnych norm, nie pryciahvaje ŭvahi. I nie tamu što nie bačać. Akramia hetaha tut jość, na što najpierš źviarnuć uvahu.
Zvyčajny dzień na chlebazavodzie ŭ Ašmianach. Pakul rabotniki staranna vypiakajuć chleb i bułački, im uvieś čas prychodzicca admachvacca ad dakučlivych much i vierabjoŭ. Apošnim tut chiba što nie chapaje hniozdaŭ.
Pa słovach načalnika adździeła pramysłovaści miascovaha filijała spažyŭtavarystva, na zamienu i ŭciapleńnie stolaŭ u minułym hodzie jany vydatkavali 200 miljonaŭ rubloŭ. Usiaho ž za 2013 na raźvićcio materyjalna-techničnaj bazy ŭ Ašmianach nakiravali bolš za 7 miljardaŭ rubloŭ.
Ź ich na madernizacyju hetaha chlebazavoda kala 500 miljonaŭ.
U tym ža, što na chleb u pramym sensie słova sadziacca muchi, akazvajecca vinavaty «čałaviečy faktar».
Ašmiany, jak zajaŭlajuć kantralory, nie adzinaja vytvorčaść, dzie ekśpierty znajšli niebiaśpieku dla zdaroŭja ludziej.
Kanviejer spynili ŭ Mastach i Kareličach.
Pavodle zahadu abłasnoj sanepidstancyi, pakul sanitarnyja normy tut nie pryviaduć u paradak, ź piečy nie pavinna vyjści bolš nivodnaja buchanka. Da hetaha času chleb u Ašmiany buduć zavozić z susiednich rajonaŭ.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary