Incydent adbyŭsia ŭviečary 29 sakavika. Hramadzkija aktyvisty, jakija štomiesiac 29 čysła naviedvajuć Kurapaty, kab uskłaści kvietki da mahiłaŭ niavinna rasstralanych ludziej, zrabili zaŭvahu maładzionam, jakija kala kryžoŭ naładzili piknik z manhałam i alkaholem.
Režyser Volha Mikałajčyk raspaviała:
«Ich było čałaviek 7, u tym liku 2 dziaŭčyny. Na zaŭvahu adreahavali ahresiŭna, sychodzić nie pažadali, spačatku łajalisia, a potym pačali šturchacca i bicca. Niekalki aktyvistaŭ paciarpieli, u tym liku dastałosia Mikołu Kupavu. Na šum źjaviŭsia kinaaaperatar, jaki rabiŭ zdymki dla filmu pra Kurapaty, dyk kidalisia na kameru, ledź nie złamali».
Hramadzki aktyvist Aleś Makajeŭ paviedamiŭ, što da miesca incydentu była vyklikanaja milicyja:
«Pryjechali davoli chutka, bolš za 10 supracoŭnikaŭ. Ale na toj momant žarści ŭžo krychu ŭlahlisia. Abyšłosia biez zatrymańniaŭ».
Daviedka
Hramadzkija aktyvisty ŭ Biełarusi abviaścili 29 kastryčnika Dniom pamiaci achviaraŭ palityčnych represij ŭ pamiać ab padziejach 29 kastryčnika 1937 hodu, kali ŭ adnu noč NKUS rasstralaŭ kala sta biełaruskich piśmieńnikaŭ i dziejačoŭ kultury. Z 2007 hodu 29-ha kožnaha miesiaca ŭ Kurapatach aktyvisty zapalvajuć źnički i ŭskładajuć kvietki ŭ Kurapatach.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary