Na telefony biełarusaŭ stali prychodzić niebiaśpiečnyja SMS. Pra heta havorycca ŭ infarmacyi MUS, raźmieščanaj u tvitery, paviedamlaje BiełTA.
«Z učorašniaha praz SMS-paviedamleńni pa Biełarusi pačaŭ imkliva raspaŭsiudžvacca novy virus. Jak miarkujecca, jon niebiaśpiečny tolki dla smartfonaŭ ź sistemaj Android», —
havorycca ŭ paviedamleńni adnoj z hrup u socsietiach, na jakuju spasyłajecca MUS.
Na telefon prychodzić SMS-paviedamleńnie z tekstam: « Ppivet:-) Tiebie foto: https://materzoptom.ru/rzxf/868329010990269 «.
Adpravicielem moža być jak numar z vašaha śpisu kantaktaŭ, tak i nieviadomy numar.
Pry pierachodzie pa spasyłcy, pakazanaj u SMS, prapanujecca ŭstalavać sumniŭnaje prahramu.
Kali jaje ŭstalavać, anałahičnyja SMS-paviedamleńni buduć dasłany ŭsim ludziam ź śpisu kantaktaŭ u telefonie. Pry hetym za kožnaje ź ich apieratar, viadoma, zdymie hrošy.
Uličvajučy, što ŭ apošni čas šmatlikija apieratary pierajšli na kredytny mietad raźliku, suma moža nabiehčy vialikaja, papiaredžvaje MUS. Pa mahčymaści ŭ viedamstvie prosiać apaviaścić čałavieka, jaki adpraviŭ vam paviedamleńnie, pra toje, što jaho telefon zaražany virusam.
U MTS partału Virtualny Brest» zajavili, što pracujuć nad sposabami błakiroŭki hetych SMS.
Śpis rekamiendacyj apublikavaŭ sajt «Silnyje novosti»:
1. Nie ŭstaloŭvać prahramu, kali vy atrymali spasyłku, i adkryli jaje, a lepš i nie adčyniać spasyłku, i vydalić SMS.
2. Kali vy ŭstalavali dadatak — adklučyć telefon ad sotavaj sietki, deinstalavać prahrammu, praz WiFi ŭstalavać biaspłatny antyvirus z Play Market, pravieryć telefon.
Kali ŭvajšli ŭ minus: vykanać papiaredni punkt, i papoŭnić bałans na nievialikuju sumu, pravieryć, ci spyniłasia adpraŭka SMS.
Abaviazkova patelefanavać vašamu znajomamu, ad jakoha pryjšła SMS i papiaredzić jaho ab tym, što jaho telefon zaražany i rassyłaje SMS bieź jaho viedama.
Spračacca z apierataram biessensoŭna, vy sami ŭstalavali prahramu, i pahadzilisia što jana moža rabić što choča.
Jak apošni srodak: poŭnaja pieraŭstaloŭka telefona — da zavadskich pieradustalovak, ale źniknuć usie nałady i instalavanyja prahramy.
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj20
Kamientary