Premjer-ministr Arsienij Jacaniuk hatovy dać samastojnaść rehijonam, kali jany hatovyja vykonvać umovy hetaj samastojnaści. U pryvatnaści, być samadastatkovymi i finansava niezaležnymi ad centra.
Pra heta ŭ chodzie kruhłaha stała ŭ Charkavie 17 maja zajaviŭ sam premjer-ministr Jacaniuk.
Tak, jon ličyć, što da momantu ŭniasieńnia źmienaŭ u Kanstytucyju i ŭ Biudžetny kodeks možna pravieści ekanamičny ekśpierymient u asobnych abłaściach Ukrainy.
«Chaču adrazu adznačyć, što toj ekśpierymient, jaki nam prapanoŭvali — «padatki my ŭ siabie pakidajem, ale šachcioram vy budziecie płacić z centralnaha biudžetu» — tut jość pytańni», — adznačyŭ Jacaniuk.
Pry hetym jon prapanavaŭ pradstaŭnikam ŭschodnich: «Kali vy hatovyja da taho, kab pierajści na bolš vysokuju stupień ekanamičnaj samastojnaści — my hatovyja da hetaha taksama. Tolki vielmi dobra padumajcie pierad tym, jak pierachodzić na hetuju ekanamičnuju samastojnaść», — skazaŭ Jacaniuk i dadaŭ, što pramaja datacyja centralnaha biudžetu na 180 tys. šachcioram składaje 34 młrd hryŭniaŭ.
Razam z tym Jacaniuk zajaviŭ, što maje namier nadać ruskaj movie asoby status.
Pa słovach premjera, «i dla ruskaj movy, i dla moŭ nacmienšaściaŭ» ŭviaduć asoby status, a ŭ Daniecku i Łuhansku daremna skardziacca na toje, što ich nie čujuć u Kijevie.
«Za ŭsie hady niezaležnaści ŭ Daniecku i Łuhansku nikoli nie było kijeŭskaj ułady. Sistema kiravańnia zaŭsiody była ŭ rukach miascovych elit.
Zaraz urad nie prosta čuje, ale i choča zrabić usio, kab situacyja stabilizavałasia. Varta zrabić tak, kab Kijeŭ čuŭ Danieck, Danieck — Łuhansk, a Łuhansk — Lvoŭ», — adznačyŭ Jacaniuk.
Pry hetym jon adznačyŭ, što niaźmiennaj zastajecca pazicyja ŭrada pa decentralizacyi ŭłady.
«Mienavita ciapierašni ŭrad vystupiŭ ź inicyjatyvaj likvidacyi dziaržaŭnych administracyj na miescach i pieradačy finansavych paŭnamoctvaŭ vykankamam miascovych savietaŭ. Pry hetym centralnaja ŭłada pavinna mieć dziaržaŭnaje pradstaŭnictva, jakoje atrymaje funkcyju «ahulnaha nahladu» za vykanańniem zakanadaŭstva na adpaviednaj terytoryi», — dadaŭ Jacaniuk.
Arsienij Jacaniuk vyklučyŭ lubyja mahčymaść pieramovaŭ z terarystami: «Toj, chto z aŭtamatami rasstrelvaje ludziej — nie choča miru dla Ukrainy. Pieramovaŭ z terarystami my vieści nie budziem».
Ciapier čytajuć
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA9
Kamientary