Šatłandski miaśnik zrabiŭ sasiski «sa smakam zbornych-udzielnic» ČS pa futbole
Miaśnik Džejms Chejh vyrabiŭ abmiežavanuju kolkaść sasisak ź indyvidualnym smakam, jaki adpaviadaje nacyjanalnym tradycyjam krain, čyje zbornyja prymajuć udzieł u čempijanacie śvietu pa futbole.
Džejms Chejh, jaki pracuje ŭ šatłandskim horadzie Abierdzin, vypuściŭ u prodaž unikalnuju partyju sasisak niekalkich hatunkaŭ. Naprykład, u rasijskim varyjancie sasisak prysutničajuć smak śvininy i harełki, u šviejcarskim — śvininy i syru, u hałandskim — śvininy, siropu i vaflaŭ. Pa miery taho, jak zbornaja toj ci inšaj krainy budzie pakidać čempijanat śvietu, «jaje» sasiski buduć źnikać z prodažu.
«U suviazi z tym, što zbornaja Šatłandyi nie patrapiła na čempijanat śvietu ŭ Braziliju, my prydumali ideju, zaklikanuju ŭźniać šumichu ŭ našaj krainie na čas turniru. Z taho času, jak z 9 červienia pakupniki atrymali mahčymaść nabyć našu pradukcyju, było pradadziena paŭtary tysiačy sasisak», — kaža Chejh.
Raniej pradprymalny miaśnik ŭžo vyrablaŭ śpiecyjalnyja sasiski. Paśla taho, jak na letašnim Uimbłdonie ŭ adzinočnym razradzie pieramohu atrymaŭ brytanski tenisist Endzi Marej, Džejms Chejh realizavaŭ 1200 upakovak svajho firmovaha praduktu sa smakam šampanskaha i kłubnic.
Kamientary