U Klimavičach byłaja pryjomnaja maci Iryna Mocnaja paŭstanie pierad sudom pa abvinavačvańni ŭ samaŭpraŭstvie. 25 lipienia jaje zatrymała miascovaja milicyja. Ciaham mnohich hadzin u rajadździele išoŭ razbor, čamu jana, nie budučy z 12 lipienia pryjomnaj maci, sprabavała rasparadžacca losam byłych pryjomnych jaje dziaciej.
Jak paviedamiła Iryna Mocnaja, kali pa jaje pryjechała milicyja, uźnikła patasoŭka z-za taho, što dzieci nie chacieli jaje adpuskać. Zaraz jana baicca, što moža być raspačata kryminalnaja sprava ŭ dačynieńni da jaje ŭžo paŭnaletniaha starejšaha syna ŭ supraciŭleńni milicyi. Sama ž jana abvinavačvajecca pa artykule 23.39 KoAP «Samaŭpraŭstva».
«Sud mieŭsia adbycca siońnia, ale jaho pieranieśli na paniadziełak», — skazała Mocnaja.
Jana zaznačyła, što vychoŭvaje pryjomnych dziaciej z 1999 hoda. Aprača dvuch bijałahičnych dziaciej u jaje było vosiem pryjomnych. Jany z mužam pieršymi ŭ rajonie ŭziali dziaciej na vychavańnie. Adna dziaŭčynka ŭžo vyrasła i vučycca ŭ Minsku. Doŭhi čas ich siamja była adnoj ź lepšych pryjomnych siemjaŭ u Klimavickim rajonie, adnak pryblizna z 2010 hoda ŭ čynoŭnikaŭ pačali źjaŭlacca, — nieabhruntavanyja, jak śćviardžaje Mocnaja, — pretenzii.
«Kazali: jak stvaryli pryjomnuju siamju, hetak i likvidujem», — skazała žančyna.
Pavodle słoŭ byłoj pryjomnaj maci, strata ŭzajemarazumieńnia ź miascovymi ŭładami, ich dziejańni i pahrozy daviali jaje muža Viktara da samazabojstva. Bolš jak miesiac tamu pry naviedvańni paŭnaletniaj dački ŭ Minsku jon paviesiŭsia.
Zatym rajonnyja ŭłady pazbavili Mocnuju prava apieki nad dziećmi, adnak jana nie pahadžałasia z takim rašeńniem, źviartałasia ŭ roznyja instancyi z prośbaj dazvolić i dalej vychoŭvać dziaciej.
Jak raniej paviedamili ŭ adździele adukacyi, sportu i turyzmu Klimavickaha rajvykankamaa, 25 lipienia ŭsie niepaŭnaletnija pryjomnyja dzieci, jakija vychoŭvajucca ŭ siamji Mocnych, byli dastaŭlenyja ŭ Mahiloŭ u dziciačy dom.
Ciapier čytajuć
U centry Minska tajamniča źnikła dačka dyrektara bujnoha ahrakompleksu8
Kamientary