Medyki čakajuć uzdymu zachvorvańnia na hryp užo ŭ pačatku studzienia.
Raniej miedyki prahnazavali pačatak epidemii hrypu ŭ zvykłyja dla Biełarusi terminy: kaniec studzienia — pačatak lutaha.
M.Rymža zaklikaŭ nasielnictva bolš aktyŭna prachodzić vakcynacyju, bo imunitet da virusu vypracoŭvajecca tolki praź niekalki tydniaŭ paśla imunizacyi. Jon nahadaŭ, što sioleta Ministerstvam achovy zdaroŭja zakuplena prykładna 900 tys. vakcyn dla biaspłatnaj vakcynacyi nasielnictva, što ŭvachodzić u hrupu ryzyki. Da jaje adnosiacca ludzi z chraničnymi zachvorvańniami dychalnaj, sardečna‑sasudzistaj i endakrynnaj sistem, z parušeńniami funkcyi nyrak, ź imunadeficytami i h.d. Biaspłatnyja pryščepki taksama robiać asobam, jakija z pryčyny svajoj prafiesii ryzykujuć zachvareć na hryp čaściej za inšych hramadzian. Da ich adnosiacca miedyki, rabotniki dziciačych damoŭ, škoł‑internataŭ, ptuškapierapracoŭčych pradpryjemstvaŭ i h.d. Pavodle źviestak M.Rymžy, ciapier vakcynacyju prajšli tolki 25—30% ad kolkaści ludziej, jakija ŭvachodziać u hrupu ryzyki.
Taksama M.Rymža nahadaŭ, što ŭpieršyniu sioleta dla darosłych zakuplena «žyvaja» intranazalnaja vakcyna, jakaja ŭvodzicca nie ŭkołam, a praz nos. Pavodle słoŭ śpiecyjalista, jaje pieravaha ŭ tym, što, traplajučy ŭ arhanizm, vakcyna paŭtaraje šlach infiekcyi, a heta stymuluje vypracoŭku miascovaha imunitetu. M.Rymža zaznačyŭ, što prymianieńnie hetaj vakcyny dazvoliła zekanomić 45 tys. dołaraŭ na nabyćcio adnarazovych šprycaŭ, a taksama amal paŭtony preparataŭ z utrymańniem śpirtu dla apracoŭki miesca ŭkołu.
Kamientary