Juryja Rubcova buduć sudzić pa kryminalnaj spravie za abrazu sudździ
Pryznačanaja data razhladu kryminalnaj spravy za abrazu sudździ hramadskim aktyvistam z Homiela Juryjem Rubcovym. Praces pačniecca 16 vieraśnia ŭ 15 hadzin u sudzie Centralnaha rajona Minska.
Sudździa — Natalla Vajciachovič. Sprava budzie razhladacca mienavita ŭ sudzie Centralnaha rajona, bo ŭ sudzie Savieckaha rajona pracuje paciarpiełaja asoba — sudździa Kirył Pałulech.
28 krasavika ŭ sudzie Savieckaha rajona Minska razhladałasia administratyŭnaja sprava Juryja Rubcova, jaki byŭ zatrymany na dazvolenaj uładami akcyi «Čarnobylski šlach». Pad čas pracesu Juryj Rubcoŭ padavaŭ zaŭvahi da pratakoła sudovaha pasiadžeńnia, jakoje vioŭ sudździa Savieckaha rajona Minska Kirył Pałulech, adnak sud nie pryniaŭ ich da ŭvahi. Bolš za toje, Kirył Pałulech paličyŭ słovy Rubcova za abrazu.
5 žniŭnia Juryja Rubcova dapytali ŭ Savieckim adździele Śledčaha kamiteta h. Minska ŭ jakaści padazravanaha ŭ miežach kryminalnaj spravy pa artykule 391 «Abraza sudździ abo narodnaha zasiadaciela». Za abrazu sudździ ŭ suviazi z ažyćciaŭleńniem im pravasudździa sankcyja artykuła praduhledžvaje roznyja vidy pakarańnia - štraf, papraŭčyja pracy na termin da dvuch hadoŭ, aryšt na termin ad troch da šaści miesiacaŭ ci abmiežavańnie voli na termin da troch hadoŭ.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie22
Kamientary