U piatnicu była apublikavanaja infarmacyja ab tym, što Rasija ŭklučyła ŭ śpis pierson non hrata troch hramadzian Łatvii — eks-hienprakurora Łatvii Janisa Majzicisa, deputata Siejma Andreja Judzina i teatralnaha režysiora Ałvisa Chiermanisa, paviedamlajuć vesti.lv.
Mahčyma, heta adkaz na toje, što 21 lipienia Ministerstva zamiežnych spraŭ Łatvii apublikavała imiony troch viadomych dziejačaŭ rasijskaj kultury, jakim zabaronieny ŭjezd u Łatviju. Heta — Iosif Kabzon, Aleh Hazmanaŭ, a taksama Ała Pierfiłava (Valeryja).
Jak u intervju vydańniu Latvijas avīze zajaviŭ sam Chiermanis, toj fakt, što jaho proźvišča ŭnieśli ŭ śpis pierson non hrata Rasii, jaho nie chvaluje.
Ałvis Chiermanis — viadomy łatvijski režysior, mastacki kiraŭnik Novaha Ryžskaha teatra,
łaŭreat roznych teatralnych premij, Kavaler Ordena troch zorak — navyšejšaj uznaharody Łatvii.
Na nastupnym tydni Novy Ryžski Teatr pryjedzie ŭ Minsk, na «Mižnarodny forum teatralnaha mastactva «Teart». Chiermanis viazie ŭ Minsk śpiektakl «Abłomaŭ».
Śpiektakl idzie na łatyšskaj movie ź sinchronam pa-rusku. U 2012 h. «Abłomaŭ» byŭ hanaravany Nacyjanalnaj premijaj Łatvii jak najlepšy śpiektakl.
Pastanoŭki adbuducca 9 i 10 kastryčnika ŭ DK MAZa. Na śpiektakl jašče jość kvitki: pa 312 tys.
Hod tamu Chiermanis pryvoziŭ u Minsk śpiektakl «Doŭhaje žyćcio» — ab zhublenym savieckim śviecie, ab nastalhii tych, chto nazaŭsiody zastaŭsia ŭ ciahniku svajoj pamiaci, što jedzie na ŭschod.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie4
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary