U Siecivie isnuje sajt «Pieramoha», jaki śpiecyjalizujecca na dyskredytacyi niezaležnych ŚMI i biełaruskaj intelihiencyi šlacham jaje krytyki ź nibyta «iścinna-biełaruskich» pazicyj.
Učora jon źmiaściŭ čarhovy «artykuł» «Kolki kaštujuć biełaruskija dem. ŚMI?»
U im śćviardžajecca, što… «Naša Niva» «za absalutna nievialikuju summu [pravapis aryhinała — NN] hatovy apublikavać lubuju zamoŭlenuju navinu ŭ rubrycy «Hałoŭnaje». Voś što piša zapsieŭdanimleny aŭtar: «Miarkuju, što hatovyja jany publikavać i antybiełaruskija artykuły. Peŭna, sprava tolki ŭ pamiery ŭznaharodžańnia. Taksama, škada, što nie zapytalisia ŭ Andreja Skurko, kolki kaštuje pieradruk Našaj Nivaj vystupu A.H. Łukašenki ŭ rubryku «Hałoŭnaja navina dnia»…» — jorničaje aŭtar «Pieramohi».
Brudnyja vystupy «Pieramožcaŭ» raźličanyja na poŭnych durniaŭ i paranoikaŭ.
Viadoma, što lubyja kamiercyjnyja ŚMI źmiaščajuć rekłamnyja artykuły. U jakasnych ŚMI jany publikujucca ŭ adpaviednaj rubrycy «Na pravach rekłamy». Jość takaja rubryka i ŭ «NN». Voś jana. Jak bačycie, ničoha antybiełaruskaha ŭ joj niama.
Materyjały z rubryki «Na pravach rekłamy» mohuć traplać i ŭ błoki «Hałoŭnaje», «Fota-videa», ale jany ŭsio adno zastajucca paznačanyja jak «Na pravach rekłamy». Toje samaje i ŭ haziecie.
Na ščaście, biełarusy — nie durni. I tamu sproby «Pieramohi» ŭbić kliny, pasvaryć biełarusaŭ miž saboj nie mieli pośpiechu. Nie raz užo «pornamožcaŭ» łavili na hrubaj falsifikacyi. Voś i syčać źmiei «Pieramohi», šukajuć hrazi, kab zamaskiravać svaju biazdarnaść.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary