Pamior «baćka videahulniaŭ» Ralf Bajer

Napačatku «epochi telebačańnia» ŭ 1951 hodzie małady inžynier Ralf Bajer, uciakač z nacysckaj Niamieččyny, prapanavaŭ radykalnuju ideju ŭzbahačeńnia «karobak z ekranami» zabaŭlalnym źmieścivam. Na što atrymaŭ naturalny adkaz «dy kamu toje treba».

Bajer stvaraŭ abstalavańnie dla IBM, a zatym staŭ hałoŭnym inžynieram i ŭ vyniku vice-prezidentam kampanii Transitron. Zatym jon zasnavaŭ ułasnuju kampaniju i pakinuŭ jaje dziela pracy na abarončaje pradpryjemstva Sanders Associates, dzie i zastaŭsia da 1956 hoda.

Minuła 15 hod z prapanovy stvareńnia pryłady dla videahulniaŭ.

Bajer raspracavaŭ «Brown Box» — pratatyp pieršaj hulniovaj kansoli, jaki staŭ fundamientam siońniašniaj industryi videahulniaŭ.

Na toj momant u ZŠA ŭžo było 40 miljonaŭ televizaraŭ – biznes zdavaŭsia nie takim užo bieśpierśpiektyŭnym. Na prajekt Bajeru vydali 2500 dalaraŭ i dvuch pamahatych.

Pavialičyć

Pratatyp licenzijavała kampanija Magnavox i vypuściła ŭ sieryju ŭ 1972 hodzie madel Magnavox Odyssey, pieršuju kamiercyjnuju hulniovuju kansol. Jana pradavałasia za 100 dalaraŭ.

Da «Adysieja» Bajer taksama raspracavaŭ «śvietłavy pistalet». Z dapamohaj jaho možna było hulać u futboł, tenis i ruletku. Kanstrukcyja kansoli była ŭ astatnim prymityŭnaja pa siońniašnich mierkach: pracavała na batarejkach, nie było huka, zamiest kartrydžaŭ paŭhołyja drukavanyja płaty. Usiaho było pradadziena 350 tysiač kansolaŭ.

«Adysiej» prynies pośpiech inšamu pijanieru videahulniaŭ – Atari.

Magnavox padała ŭ sud na apošniuju za płahijat u hulni Pong, jakaja kapijavała tenis z «Adysieja», i jakuju siońnia mnohija ličać pieršaj videahulnioj. Magnavox vyjhrała sud (a ŭ nastupnyja hady zasudziła šče nie adnoha hihanta), ale tak i nie zdabyła słavy ŭ šyrokich kołach.

Pavialičyć

U nastupnyja hady Bajer raspracavaŭ elektronnyja hulni Simon i Maniac, atrymaŭ niamała premij i ŭznaharod. U 2006 hodzie z ruk prezidenta ZŠA Džordža Buša małodšaha Bajer atrymaŭ Nacyjanalny miedal u halinie technałohij i inavacyj za stvareńnie i raźvićcio videahulniaŭ. U tym ža hodzie jon pieradaŭ usie svaje pratatypy i dakumientacyju Śmitsanaŭskamu instytutu. U 2010 hodzie atrymaŭ miesca ŭ Nacyjanalnaj zali słavy inavataraŭ.

Jon praciahvaŭ zajmacca elektronikaj prynamsi da 2013 hoda. Na momant śmierci na jaho imia było zapisana bolš za 150 patentaŭ.

• 0
• 0
• 0
• 0
• 1
• 0
• 0
• 0