Piać pryncypaŭ Styva Džobsa, jakim zdradziła Apple

Eks-hałava Apple Styŭ Džobs byŭ viadomy svajoj niepachisnaściu ŭ lubym vyrašeńni. Ale pad kiraŭnictvam Cima Kuka ŭ kampanii mnohaje źmianiłasia.

 1. Styłus

Pavialičyć

U siecivie źjaviłasia infarmacyja pra toje, što ŭ 2-m kvartale 2015 hoda Apple pradstavić hihancki 13-calevy iPad Pro. Da jaho moža źjavicca admysłovy styłus — ličbavy «ałovak», što dazvolić malavać na ekranie (a toje i ŭ pavietry).

Adnoj z hałoŭnych niespadziavanak na prezientacyi samaha pieršaha iPhone byŭ novy typ tačskrynaŭ — jomkasny dyspłej, što dazvalaŭ kiravać smartfonam biez styłusa. Džobs ličyŭ lepšym styłusam palcy: «Kamu treba styłus? Vy dastaniecie jaho paru raz, a potym prybiarecie kudy padalej — i ŭ rešcie rešt zhubicie».

2. Maleńki iPad

Pavialičyć

U 2012 hodzie Apple pradstaviła źmienšanuju viersiju płanšeta iPad, 7,9-calovy iPad mini. Madel mieła pośpiech, vypuščanyja ŭžo dva jaje naščadki.

Styŭ Džobs ličyŭ taki płanšet «miortvanarodžanym», nadta maleńkim. «Jon nie zmoža adlustravać prahramnaje zabieśpiačeńnie va ŭsioj krasie», — śćviardžaŭ Džobs.

Ale rynak dyktavaŭ inšyja ŭmovy: papularnaść zdabyli niedarahija 7-calevyja Android-płanšety. Cim Kuk apraŭdvaŭsia — Džobs kazaŭ pra 7, a ŭ iPad mini amal 8 calaŭ.

3. Vialiki iPhone

Pavialičyć

Džobs ličyŭ aptymalnym dla smartfona dyspłej z dyjahanallu ekrana 3,5 calaŭ, kali da kožnaha vuhałka možna daciahnucca palcam ruki, ŭ jakoj trymaješ smartfon. Da 2012 hoda tolki takija iPhone i vypuskalisia. Zatym iPhone troški padros: dyjahanal dyspłeja pavialičyłasia da 4 calaŭ. Źmianilisia suadnosiny bakoŭ, šyrynia nie pavialičyłasia.

«Nichto nie budzie kuplać vialikija smartfony», — kazaŭ Džobs. I pamylaŭsia. Paśla niečakanaj papularnaści 5,3-calevaha Samsung Galaxy Note 2011 hoda vialikija smartfony stali śmieła kuplać i vyrablać pa ŭsim śviecie. Tolki ŭ 2014 Apple vypuściła 4,7-calevy iPhone 6 i 5,5-calevy iPhone 6 Plus.

4. Mir z IBM i Samsung

Pavialičyć

Chaj IBM pastaŭlała pracesary dla kampjutaraŭ Apple, a Samsung mnohija detali iPhone, Styŭ Džobs nie saromieŭsia ŭ vykazvańniach pra kankurentaŭ. «Kali my ź niejkich pryčyn zrobim hihanckuju pamyłku i IBM pieramoža, to, pa maich ułasnych adčuvańniach, dla kampjutaraŭ nadyduć ciomnyja časy hadoŭ na 20», — jon mierkavaŭ, što IBM spyniaje inavacyi. Pra Samsung jon kazaŭ: «U DNK kampanii zakładzienaje kapijavańnie».

Ale ž Cim Kuk pravioŭ sustreču z Samsung adnosna ŭrehulavańnia kanfliktaŭ, a z IBM padpisaŭ damovu na vydańnie apošnimi 100 ekskluziŭnych prahram dla iPhone i iPad.

5. «It just works»

Pavialičyć

Chaj Džobs i byŭ pierfiekcyjanistam, a adnym z devizaŭ jaho kampanii było «Jano prosta pracuje» (u sensie «jano pracuje daskanała»), ale i ŭ jaho časy byli pravały. Naprykład, niekatoryja asobniki iPhone 4 mieli prablemy z suviaźziu praź niepradumanaje raźmiaščeńnie anteny. Kampanija śćviardžała, što pakupniki prosta niapravilna trymajuć svaje ajfony, prykryvajučy antenu palcam.

Ale paśla Džobsa prablemy stali bolš maštabnymi. Naprykład, abnaŭleńnie iOS 8.0.1 zrabiła «cahlinami» blizu 40 tysiač pryład praz prablemy z suviaźziu i skanieram adbitkaŭ palcaŭ. Što ŭžo kazać pra iPhone 6, jaki možna pahnuć, kali prosta pakłaści jaho ŭ zadniuju kišeniu…

***

Pavialičyć

Styŭ Džobs byŭ adnym z zasnavalnikaŭ i peŭny čas hiendyrektaram zasnavanaj u 1976 hodzie Apple. Praz spad prodažaŭ i zychod śpiecyjalistaŭ z kampanii Džobs byŭ zvolnieny radaj dyrektaroŭ u 1985 hodzie. Stvaryŭ kampaniju NeXT Computers (jakuju paźniej nabyła Apple), vykupiŭ multyplikacyjnuju studyju Pixar. Viarnuŭsia ŭ Apple u 1996 hodzie. U «novym» Apple uvioŭ łozunh «Dumaj inačaj», pry im byli stvoranyja paśpiachovyja płejery iPod i muzyčny servis iTunes, zvyšpapularnyja smartfony iPhone i płanšety iPad. Pamior u 2011 hodzie ad raku padstraŭnikavaj załozy praz vybar na karyść alternatyŭnaj miedycyny.

Čytajcie taksama: Smartfony-2015: ahlad

• 0
• 0
• 0
• 0
• 0
• 0
• 0
• 0