Kanada admoviłasia vydać Rasii U. Katruka, jaki moža być datyčny da spaleńnia Chatyni
Kanada admoviłasia vydać Rasii Uładzimira Katruka, jak miarkujecca, jaki prymaŭ udzieł u zabojstvach žycharoŭ biełaruskaj vioski Chatyń padčas Druhoj suśvietnaj vajny, paviedamiŭ namieśnik hienprakurora Rasii Alaksandr Źviahincaŭ.
Raniej śledstva paviedamlała, što zaviało kryminalnuju spravu pa artykule «hienacyd» u dačynieńni da Katruka i maje namier damahacca jaho ekstradycyi ŭ Rasiju.
U vioscy Chatyń ŭ sakaviku 1943 hoda byli zabityja 149 čałaviek, u tym liku 75 dziaciej, i źniščanyja ŭsie damy.
Uładzimir Katruk uvachodziŭ u dziesiatku najbolš šukanych centram Simona Vizientala nacysckich złačyncaŭ. Jon byŭ znojdzieny ŭ kvebekskim municypalitecie Manterežy ŭ Kanadzie.
Katruk apošnija hady razvodzić pčoł na ŭskrainie kanadskaha horada Ormstaŭn. Padčas dopytu jon admaŭlaŭ usie suviazi z nacystami, zajaviŭšy, što ničoha nie viedaje pra «śpis Vizientala».
Fiederalny sud Kanady raniej vyznačyŭ, što Katruk schłusiŭ ab adsutnaści ŭ jaho bijahrafii suviaziaŭ ź viermachtam dla palahčeńnia pracedury atrymańnia hramadzianstva ŭ Kviebieku.
Kamientary