Rasijski enierhietyčny chołdynh «Inter RAT» pravodzić pieramovy ab prodažy «Elektryčnych sietak Armienii» paśla masavych akcyj pratestu ŭ Jerevanie i inšych haradach z-za rostu cenaŭ na elektraenierhiju i abiacańni ŭładaŭ krainy pravieści nacyjanalizacyju, piša hazieta «Kommiersant».
Pa dadzienych krynic vydańnia, chołdynh hatovy pradać kampaniju, vakoł jakoj uźnikli prablemy ŭ Armienii. Surazmoŭca vydańnia ŭ Jerevanie raspavioŭ, što ESA moža nabyć rasijski biznesmen Samvieł Karapiecian, pieramovy ź jakim pačalisia jašče da pavyšeńnia taryfaŭ na elektraenierhiju. Inšaja krynica haziety paćvierdziła fakt pieramovaŭ jak sa strukturami Karapieciana, tak i z «inšym rasijskim biznesmenam armianskaha pachodžańnia».
Tym nie mienš pradstaŭniki padkantrolnaj Karapiecianam hrupy «Tašyr» dadzienyja kupli aktyvaŭ «Inter RAT» abvierhli.
«Elektryčnyja sietki Armienii», jakimi vałodaje Inter RAT, kirujuć praktyčna ŭsioj infrastrukturaj elektrazabieśpiačeńnia ŭ krainie, vykuplajučy usie mahutnaści elektrastancyj pa dziaržaŭnych taryfach. Enierhietyčny manapalist apynuŭsia ŭ centry skandału ŭ siaredzinie červienia paśla pavyšeńnia taryfaŭ na 6,93 drama (kala 0,17 dalara) za kVt⋅h, što vyklikała masavyja demanstracyi ŭ Jerevanie i inšych haradach. Paśla tydnia pratestaŭ u centry stalicy prezident krainy Sierž Sarhsian zajaviŭ ab praviadzieńni aŭdyt kampanii i kampiensacyi roźnicy pamiž ŭzroŭniami taryfaŭ ź dziaržbiudžetu.
Adnym z paŭtaralnych matyvaŭ na demanstracyjach pratestu na praśpiekcie Bahramiana ŭ Jerevanie była faktyčnaja niepadkantrolnaść pastaŭščyka elektryčnaści Armienii, što ŭsprymajecca jak pahroza suvierenitetu krainy i dabrabytu nasielnictva.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły9
Kamientary