A 49% — za cenzuru ŭ internecie, śćviardžaje VCIOM.
Pavodle apytańnia dziaržaŭnaha Usierasijskaha centru vyvučeńnia hramadskaha mierkavańnia (rus. VCIOM), bolšaść rasiejcaŭ hatovyja padtrymać adklučeńnie internetu, piša RBK.
48% rasiejcaŭ, kali vieryć VCIOM, padtrymlivajuć adklučeńnie internetu ŭ vypadku nacyjanalnaj niebiaśpieki, jašče 9% — u vypadku masavych mitynhaŭ, jašče 1% — u astatnich vypadkach.
Tym nie mieniej, astatnija 42% ličać, što dla adklučeńnia internetu ŭradam nie moža być nijakich padstaŭ.
Amal pałova rasiejcaŭ, 49% vykazalisia za cenzuru ŭ internecie. U jakaści cenzara bolšaść bačyć śpiecsłužby ci ŭrad. 59% za filtracyju materyjałaŭ, abaronienych aŭtarskim pravam (to značyć, suprać piractva), 45% za filtracyju zamiežnych ŚMI, 38% za rehulavańnie inšych zamiežnych sajtaŭ. Siarod prapanavanych vidaŭ sajtaŭ, što varta filtravać, samym papularnym (59%) staŭ «pornasajt z homaseksualnym kantentam», za im «arhanizacyja antyŭradavych pratestaŭ u sacsietkach» (46%) i «videa hurtu Pussy Riot» (45%).
Suprać sajtaŭ i supołak, što zaklikajuć da pratestaŭ, vykazalisia 81% apytanych, suprać sajtaŭ z «niehatyŭnaj infarmacyjaj pra čynoŭnikaŭ» — 79%, «…pra dziaržsłužboŭcaŭ» — 73%.
42% rasiejcaŭ vierać, što inšyja dziaržavy vykarystoŭvajuć internet suprać Rasii, 24% bačać u hetym pahrozu stabilnaści, ale 56 i 53% adpaviedna nie bačać u internecie pahrozy «sacyjalnym skrepam» i siamiejnym kaštoŭnaściam.
Pavodle infarmacyi VCIOM, pastajannymi karystalnikami internetu ŭ Rasii jość 42% apytanych, jašče 20% vykarystoŭvajuć internet čas ad času. Nie karystajucca internetam 20%.
***
VCIOM — najstarejšaja rasijskaja arhanizacyja pa sacyjałahičnych daśledavańniach praz hramadskija apytańni. 100% akcyj kampanii naležać Kramlu. Arhanizacyju časam krytykujuć za «vyniki, patrebnyja Kramlu».
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ10
Kamientary