Infarmacyjnaja kampanija BiełaPAN vystupiła z aficyjnaj zajavaj z pryčyny ataki na jaje sajty: belapan.by i naviny.by.
«3 kastryčnika 2015 h siervier BiełaPAN, na jakim raźmieščany sajty našaj infarmacyjnaj kampanii i jakaja naležyć nam internet-haziety Naviny.by, padvierhnuŭsia masiravanamu DDoS-napadu, jakaja praciahvajecca da hetaha času», — havorycca ŭ zajavie.
DDoS-ataka pačałasia paśla publikacyi ŭ internet-haziecie Naviny.by artykułaŭ pra relihijna-palityčnuju akcyju «Malitva za Biełaruś». U ich krytykavalisia mietady jaje arhanizacyi, pryvodzilisia dumki studentaŭ, što «pa raznaradcy» pryjšli na heta mierapryjemstva. «Miarkujem, što heta abjektyŭnaje, nie va ŭhodu uładam, aśviatleńnie i vyklikała niezadavolenaść ideałahičnych rabotnikaŭ, jakija addali kamandu padvierhnuć našy resursy DDoS-napadu», — adznačajecca ŭ zajavie.
«Rasceńvajem toje, što zdaryłasia, jak hruby cisk na niezaležny srodak masavaj infarmacyi i parušeńnie kanstytucyjnych pryncypaŭ svabody słova i svabody presy. Pryčym adbyvajecca heta padčas vybarčaj kampanii. Takija fakty pavinny ŭličvacca naziralnikami pry acency ŭmoŭ, u jakich prachodziać vybary prezidenta Biełarusi.
BiełaPAN źjaŭlajecca aficyjna zarehistravanym srodkam masavaj infarmacyi. U adpaviednaści ź biełaruskim zakanadaŭstvam, naš siervier raźmieščany ŭ Biełarusi, ŭ data-centry dziaržaŭnaha manapalista RUP «Biełtelekam». My patrabujem zabiaśpiečyć biaśpiečnaje absłuhoŭvańnie našych sajtaŭ i abaronu ad lubych zamachaŭ na ich paŭnavartasnuju pracu», — havorycca ŭ zajavie.
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?4
Kamientary