U Irłandyi palicyja rasśleduje zabojstva biełarusa — adnaho z samych vysokich žycharoŭ krainy
24-hadovy Dźmitryj Hrynkievič pamior u piatnicu ŭviečary ŭ balnicy horada Trali ad traŭmaŭ, atrymanych pry napadzie nieviadomych dvuma dniami raniej, paviedamlaje miascovy sajt TraleeToday.
ŚMI paviedamlajuć, što Dźmitryja znajšli na łužku pierad domam u miascovaści Kilen Vud horada Trali paśla 22.30 u sieradu, 30 vieraśnia. Z surjoznymi traŭmami hałavy jon byŭ terminova dastaŭleny ŭ balnicu, dzie, niahledziačy na namahańni daktaroŭ, pamior u piatnicu, nie prychodziačy ŭ prytomnaść. Pobač ź Dźmitryjem u hety momant prysutničali členy jaho siamji.
Palicyja pačała rasśledavańnie incydentu, ale ŭ intaresach śledstva admoviłasia apublikavać vyniki ŭskryćcia. Miarkujecca, što ŭ toj dzień Dźmitryj adpraviŭsia ŭ Kilen Vud na viečarynku. U sieradu ŭviečary palicyja zatrymała tam dvuch uradžencaŭ Uschodniaj Jeŭropy, ale paźniej jany byli adpuščanyja biez pradjaŭleńnia abvinavačvańniaŭ.
Palicyja apytvaje miascovych žycharoŭ i šukaje mahčymych śviedak.
Dźmitryj Hrynkievič byŭ miascovaj znakamitaściu i trecim samym vysokim čałaviekam u Irłandyi — jaho rost 2 mietry 32 santymietry.
Jaho znajomyja apisvajuć biełarusa jak «saramlivaha maładoha čałavieka, jaki saromieŭsia svajho rostu, lubiŭ muzyku i sport». ŚMI taksama paviedamlajuć pra toje, što paśla zakančeńnia škoły Hrynkievič niekalki razoŭ pryciahvaŭsia da adkaznaści za roznyja drobnyja parušeńni.
Adnym z matyvaŭ napadu, jakija razhladaje miascovaja palicyja, mahło być pachodžańnie maładoha čałavieka. Dźmitryj pierajechaŭ u Irłandyju padletkam razam ź siamjoj ź Minska.
Ciapier čytajuć
Aryštavany čynoŭnik, jaki moh stać nastupnym ministram achovy zdaroŭja10
Kamientary