Hetuju pryhažuniu kličuć Maryja Domark. Jana adsłužyła u izrailskaj armii, jak i amal usie jaje adnahodki.
«Adkasić» — sprava haniebnaja i amal niemahčymaja.
Ale ŭ cyvilnym žyćci Maryja — fotamadel. I jaje pasty ŭ sacyjalnych sietkach z fota, na jakich jana ŭ formie, stali vielmi papularnymi ŭ internecie.
Izrail, choć i niabiedny, nie moža sabie dazvolić maleńkuju kantraktnuju armiju — izrailskaje vojska pavinna być dastatkova vialikim i mieć značnyja reziervy padrychtavanych vajskoŭcaŭ, kab abaranicca ad lubych pahroz z boku susiedziaŭ.
Tamu kraina pryzyvaje ŭ armiju amal usio maładoje nasielnictva abodvuch pałoŭ z 18 hod (tolki arabskaja mienšaść vyzvalenaja ad naboru).
Kožny chłopiec słužyć jak minimum 2 hady i 8 miesiacaŭ, dziaŭčyna — jak minimum dva hady.
Słužba, jakaja patrebnaja dla vyžyvańnia nacyi i dziaržavy, ad jakoj amal niama mahčymaści «adkasić», karystajecca vialikaj pavahaj u Izraili. «Nie słužyŭ — nie mužyk» tam nie pustyja słovy, a amal litaralny fakt, navat kali razmova pra dziaŭčat.
Uličvajučy tryvožnuju situacyju ŭ rehijonie, naŭrad ci i Biełaruś budzie ŭ bližejšy zdolnaja pierajści na kantraktnuju sistemu kamplektavańnia.
Inšaja sprava, što naša dziaržava maje mahčymaści značna pavysić aŭtarytet terminovaj vajskovaj słužby i armii, kali vykarystaje dośvied Izraila ci takich krain, jak Finlandyja i Šviejcaryja, jakija taksama majuć pryzyŭnyja armii.
Kamientary