Arhanizataraŭ akcyi suprać rasiejskich baz vyklikajuć u sud 9 kastryčnika
Usie ŭdzielniki akcyi «Za mirnuju, niejtralnuju Biełaruś», jakaja adbyłasia 4 kastryčnika ŭ Minsku na płoščy Svabody, na jakich składzienyja pratakoły ab administracyjnym pravaparušeńni, vyklikanyja ŭ sud Centralnaha rajona Minska 9 kastryčnika. Pra heta paviedamiŭ lidar hramadskaha ruchu «Za dziaržaŭnaść i niezaležnaść Biełarusi» Uładzimir Niaklajeŭ.
Raniej było viadoma, što 9 vieraśnia da 10.00 u sud vyklikanyja staršynia Abjadnanaj hramadzianskaj partyi Anatol Labiedźka — učora jon atrymaŭ sms-paviedamleńnie ad suda.
Niaklajeŭ udakładniŭ, što jamu taksama dasłali anałahičnaje paviedamleńnie, paet vyklikany ŭ sud Centralnaha rajona ŭ toj ža dzień da 14.30, adnak iści na pasiadžeńnie nie źbirajecca, pakolki nie źmianiaŭ svaju pazicyju adnosna dziejnaści hetaj sudovaj instancyi i ŭsioj biełaruskaj sudovaj sistemy ŭ cełym (raniej Niaklajeŭ zajaviŭ pra niedavier sudam).
Pavodle infarmacyi palityka, 9 vieraśnia ŭ sud Centralnaha rajona vyklikanyja i ŭsie astatnija ŭdzielniki akcyi 4 kastryčnika, na jakich milicyjaniery skłali pratakoły ab administracyjnym parušeńni na padstavie art. 23.34 KoAP (parušeńnie paradku arhanizacyi ci praviadzieńnia masavych mierapryjemstvaŭ). Siarod ich eks-palitźniavoleny Mikałaj Statkievič, lidar ruchu «Razam» Viačasłaŭ Siŭčyk, jaki viarnuŭsia z palitemihracyi, aktyvist apazicyi z Kobryna Aleś Miech, mastak Alaksiej Maračkin.
Nieklajeŭ udakładniŭ, što razhlad spraŭ pryznačany na rozny čas.
-
Baćka 14-hadovaj školnicy, jakaja pamierła ŭ balnicy, padaŭ zajavu ŭ milicyju
-
U Hrodnie zavočna asudzili saŭładalnika budynka, dzie znachodzicca polskaje konsulstva. Ciapier jaho kanfiskujuć
-
Fatohraf-ahient Miščuk nie pamiataje, jak rabiŭ svoj zdymak na pašpart prykryćcia. I jašče šmat što nie pamiataje
Ciapier čytajuć
Aryštavany čynoŭnik, jaki moh stać nastupnym ministram achovy zdaroŭja10
Kamientary