Zbornaja Biełarusi atrymała pieramohu ŭ dziaviatym tury adboračnaha turnira da čempijanatu Jeŭropy nad kamandaj Słavakii. Praŭda, pierad hetym našy chłopcy ŭžo zhubili ŭsie šancy na vychad na Jeŭra-2016.
Adziny hoł biełarusy zabili na 34-aj chvilinie. Paśla rozyhryša kutniaha adznačyŭsia Stanisłaŭ Drahun, uziaŭšy ŭ dapamohu rykašet ad abaroncy słavakaŭ.
U druhim tajmie biełarusy zastalisia ŭ mienšaści. Za dźvie žoŭtyja kartki byŭ vydaleny kapitan Alaksandr Martynovič. Abaronca schapiŭ dźvie kartki za vosiem chvilin.
Paśla hetaha biełarusy całkam prycisnulisia da svaich varot. Niekalki razoŭ prosta bliskučaje majsterstva prademanstravaŭ bramnik Harbunoŭ, a adnojčy za našych zhulała štanha. Tytaničnyja namahańniami Biełaruś usio ž adstajała hetuju pieramohu.
Nie nadta dapamahła hetaja pieramoha i zbornaj Ukrainy, bo ŭ apošnim tury jany sustrakajucca ź Ispanijaj, a Słavakija – ź Luksiemburham.
Situacyja ŭ hrupie vyhladaje tak: Ispanija – 24 punkty, Słavakija, Ukraina – pa 19, Biełaruś – 10, Luksiemburh – 4, Makiedonija – 3.
Biełaruś zaklučny matč hetaha adboru praviadzie 12 kastryčnika ŭ Barysavie suprać Makiedonii.
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?4
Kamientary