Pra heta paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Śviatłana Rybakova.
U piatnicu, 23 kastryčnika, zachavajecca niaŭstojlivaje nadvorje, užo dniom terytoryja Biełarusi znoŭ apyniecca pad upłyvam atmaśfiernaha frontu, jaki źmiaščajecca z Zachodniaj Jeŭropy. Čakajecca pieravaha chmarnaha nadvorja. Nočču miescami, ranicaj i dniom na bolšaj častcy terytoryi krainy projduć daždžy roznaj intensiŭnaści. Nočču i ranicaj u mnohich rajonach, dniom miescami čakajecca tuman. Tempieratura pavietra ŭnačy składzie ad 0 da plus 6 hradusaŭ, udzień — plus 5—11.
U subotu, 24 kastryčnika, terytoryja Biełarusi zastaniecca pad upłyvam frantalnaha padziełu. Nočču i ranicaj na bolšaj častcy terytoryi, a dniom miescami projduć karotkačasovyja daždžy. Tempieratura pavietra ŭnačy - 3-9 ciapła, udzień - ad 7 da 12 vyšej za nul.
U niadzielu, 25 kastryčnika, nadvorje ŭ krainie ŭ asnoŭnym budzie vyznačać vobłaść pavyšanaha atmaśfiernaha cisku, sfarmavanaja ŭ vilhotnaj pavietranaj masie. U asobnych rajonach projduć nievialikija karotkačasovyja daždžy. Miescami čakajecca tuman. Tempieratura pavietra ŭnačy budzie 0 - plus 7, dniom - ad 7 da 12 hradusaŭ sa znakam «plus».
U paniadziełak, 26 kastryčnika, Biełaruś znoŭ apyniecca pad upłyvam atmaśfiernaha frontu. Nočču na bolšaj častcy terytoryi krainy, dniom pieravažna pa ŭschodzie projduć karotkačasovyja daždžy. Miescami čakajecca tuman. Tempieratura pavietra ŭnačy - 2-7 ciapła, udzień - ad 7 da 12 vyšej za nul.
«U siaredzinie nastupnaha tydnia respublika apyniecca pad upłyvam vobłaści pavyšanaha atmaśfiernaha cisku, budzie pieravažna biez apadkaŭ.
Nočču i ranicaj miescami čakajecca tuman. Tempieratura pavietra ŭnačy budzie 0 — plus 5 hradusaŭ, pry prajaśnieńniach da minus 3; udzień — ad 7 da 13 ciapła», — kanstatavała Śviatłana Rybakova.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary