Administracyja prezidenta ZŠA Abamy ŭchvaliła prodaž vialikaj partyi zbroi Tajvaniu, niahledziačy na abureńnie Piekina.
Tajvań zakuplaje zbroju na 1,8 młrd dalaraŭ. Siarod inšaha, ZŠA pastaviać Tajvaniu dva rakietnyja frehaty, braniravanyja mašyny, a taksama supraćtankavyja rakiety i rakiety «ziamla-pavietra».
Vašynhton zajaŭlaje, što prodaž zbroi nakiravany na ŭmacavańnie abaranazdolnaści Tajvania, i heta nijak nie mianiaje pazicyju ZŠA pa pytańni adzinstva Kitaja. Adnak Piekin vystupaje kateharyčna suprać prodažu zbroi abo vajennych technałohij Tajvaniu, jaki jon ličyć svajoj pravincyjaj, što adkałołasia.
Pavodle isnujučych amierykanskich zakonaŭ, Vašynhton abaviazany pradavać Tajvaniu zbroju, nieabchodnuju dla samaabarony. Na vostraŭ naceleny sotni kitajskich rakiet. Piekin u minułym pahražaŭ užyć siłu, kab pastavić Tajvań pad svoj kantrol.
Kamientary