29 studzienia ŭ Sankt-Pieciarburhu premjer-ministr Rasijskaj Fiederacyi Dźmitryj Miadźviedzieŭ sustreniecca z premjer-ministram Biełarusi Andrejem Kabiakovym, paviedamlaje pres-słužba rasijskaha ŭrada.
«Padčas razmovy buduć zakranutyja aktualnyja pytańni rasijska-biełaruskaha handlova-ekanamičnaha supracoŭnictva, sumiesnaj pracy ŭ ramkach Sajuznaj dziaržavy Rasii i Biełarusi, a taksama ŭzajemadziejańnie ŭ Jeŭrazijskim ekanamičnym sajuzie», — havorycca ŭ paviedamleńni.
Na minułym tydni ŭ chodzie sustrečy ŭ Minsku ź dziaržsakratarom Sajuznaj dziaržavy Ryhoram Rapotam premjer-ministr Biełarusi zajaviŭ ab płanach naviedać šerah rasijskich rehijonaŭ, u pryvatnaści Sankt-Pieciarburh i Respubliku Tatarstan.
Jak adznačyŭ Kabiakoŭ, Biełarusi i Rasii ŭ ramkach Sajuznaj dziaržavy nieabchodna adnavić uzajemny tavaraabarot. «U novym hodzie my pavinny abnavić usie svaje zadumki. Na žal, nie ŭsio atrymałasia ŭ 2015 hodzie tak, jak my mierkavali. Nam patrebnaja budzie vialikaja praca pa adnaŭleńni pierš za ŭsio ŭzajemnaha tavaraabarotu», — skazaŭ jon.
Premjer-ministr dadaŭ, što ekanomiki dźviuch dziaržaŭ pastupova adaptujucca da novych źniešnieekanamičnych umoŭ. Pa słovach Kabiakova, «treba budzie aktyŭna zaniacca tym, kab ekanamičnyja subjekty dźviuch krain atrymali novyja impulsy dla ŭzajemnaha supracoŭnictva».
Kamientary