Amierykanski akcior, zorka sieryjała «Siabry» Met Lebłan stanie adnym ź viadučych papularnaj va ŭsim śviecie prahramy Top Gear paśla zvalnieńnia Džeremi Kłarksana.
Heta pieršy viadučy nie z Brytanii za 39-hadovuju historyju pieradačy.
«Jak fanat aŭtamabilaŭ i Top Gear ja ŭściešany i ŭschvalavany mahčymaściu dałučycca da novaha raździełu hetaha kultavaha šoŭ. Jak zachaplalna», — pryvodziacca słovy akciora ŭ pres-relizie Bi-bi-si.
Letam minułaha hoda było abvieščana, što viadomy brytanski tele- i radyjožurnalist Krys Evans stanie novym viadučym Top Gear.
Novyja viadučyja zamieniać Džeremi Kłarksana, Ryčarda Chamanda i Džejmsa Meja. Kłarksan byŭ adchileny ad pracy ŭ sakaviku minułaha hoda praz skandał vakoł učynienaj im bojki z pradziusaram prahramy.
Prahrama Top Gear maje hłabalnuju aŭdytoryju ŭ 350 młn telehledačoŭ i prynosić Bi-bi-si dachod u 50 młn funtaŭ u hod tolki ad prodažaŭ za miažoj.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary