Brytanski rok-hurt Deep Purple papoŭniŭ Zału słavy rok-n-rołu. Cyrymonija ŭšanavańnia prajšła ŭ ńju-jorkskim «Barkłajs-centry» u piatnicu 8 krasavika.
Hrupa, zasnavanaja ŭ 1968 hodzie, ličycca adnym z samych upłyvovych muzyčnych kalektyvaŭ u chard-roku 70-ch hadoŭ. Va ŭsim śviecie pradadziena bolš za 100 młn kopij ich albomaŭ.
Na cyrymonii adsutničaŭ adzin z zasnavalnikaŭ kalektyvu hitaryst Ryčy Błekmar, ź jakim inšyja ŭdzielniki hrupy vystupać admovilisia.
Muzyki vykanali set, jaki składajecca z chitoŭ raniejšych hadoŭ: u pryvatnaści, Highway Star i Smoke on the Water.
Adzin z haściej mierapryjemstva — barabanščyk Metallica Łars Ulrych — raspavioŭ, što ŭpieršyniu pačuŭ Deep Purple na kancercie ŭ Kapienhahienie, kali jamu było dzieviać hadoŭ, i heta źmianiła jahonaje žyćcio.
«Praktyčna biez vyklučeńnia kožny chard-rok-hurt apošnich 40 hadoŭ, u tym liku naš, viadzie svoj radavod ad Black Sabbath, Led Zeppelin i Deep Purple. U hłybini dušy ja nie razumieju, čamu ich tak zapozna ŭviali ŭ Zału słavy rok-n-rołu «, — cytuje muzyku AP.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ17
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary