Pietrykaŭski školnik u zakład zalez na słup linii elektrapieradač i zahinuŭ
U Pietrykavie vyśviatlajuć abstaviny hibieli padletka. Pavodle papiaredniaj infarmacyi, učora ŭviečary 14-hadovy školnik zabraŭsia na mietaličnuju aporu vysakavoltnaj linii i byŭ zabity tokam. Miascovyja žychary miarkujuć, što, mahčyma, chłopiec padniaŭsia tudy ŭ zakład.
Zdaryłasia heta kala 20:00 na terytoryi byłoha kambinata budmateryjałaŭ. Niepadalok, za sotniu mietraŭ, jakraz znachodziłasia ŭ altancy kampanija padletkaŭ — jany pieršymi i zaŭvažyli niadobraje. Pabiehli da miesca zdareńnia, pa šlachu vyklikali chutkuju.
— My pačuli śpiecyfičny huk taki, ubačyli ŭspyški, jany siekund piać doŭžylisia, — raspaviała Onliner.by Ksienija, adna ź dziaŭčynak, jakija stali śviedkami zdareńnia. — Chłopčyka hetaha stała treści, potym jon palacieŭ uniz, tam mietraŭ 10 vyšynia była, jaho jašče padkidvała. Nie, aharodžy tam niama… My padbiehli, jon na ziamli lažyć. Pobač jašče byccam by čaćviora chłopcaŭ, jakija ź im byli, dvoje potym syšli. Jany paprasili nas patelefanavać baćkam hetaha chłopčyka, my patelefanavali. Milicyja i chutkaja pryjechali, miedyki skazali, što «ŭžo ŭsio». Potym my pajšli.
Padletak vučyŭsia ŭ miascovym internacie, siabry, jakija znachodzilisia ź im, — pietrykaŭskija školniki. Nibyta na vyšku paleźli ŭdvaich — adzin, uźlezšy mietraŭ na piać, vyrašyŭ spuścicca, druhi staŭ karaskacca vyšej.
U Śledčym kamitecie raspaviali Onliner.by, što cieła padletka znachodziłasia za mietr ad mačty. Pravodzicca daśledčaja pravierka pa fakcie jaho hibieli. Pryznačany šerah daśledavańniaŭ, jakija pavinny vyznačyć pryčynu śmierci. Pakul u jakaści asnoŭnaj viersii razhladajecca paražeńnie elektryčnym tokam.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii43
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary