U Azierbajdžanie zaviedziena kryminalnaja sprava suprać niezaležnaha kanała Mejdany TB
Azerbajdžanskija ŭłady raspačali spravu ŭ dačynieńni da kiraŭnictva i žurnalistaŭ niezaležnaha kanału Mejdany TB — adnaho ź niamnohich niezaležnych srodkaŭ masavaj infarmacyi, jakija raspaviadajuć pra padziei ŭ krainie.
Pavodle słovaŭ jurysta Elčyn Sadzihava, jaki pradstaŭlaje telekanał, raśśledavańnie viadzie Prakuratura pa ciažkich złačynstvach, i jano ŭsio jašče praciahvajecca. Abvinavačvańni ŭ niezakonnym viadzieńni biźnieesu, uchileńni ad vypłaty padatkaŭ, złoŭžyvańni paŭnamoctvami i inšych artykułach mohuć być pradjaŭlenyja 15 i bolš supracoŭnikam kanału.
Ułady sprabujuć źviazać dziejnaść Mejdany TB z žnivieńskimi padziejami ŭ Minhačaviry — čaćviortym pa vieličyni horadzie Azerbajdžanu. Paśla taho, jak u miascovym palicejskim učastku zahadkava pamior 27-hadovy Bachruz Hadžyjeŭ, zatrymany za ŭžyvańnie i raspaŭsiudžvańnie narkotykaŭ, u horadzie pačalisia masavyja pratesty, jakija pieraraśli ŭ biesparadki. Palicyja śćviardžaje, što Hadžyjeŭ zrabiŭ samahubstva, ale svajaki zatrymanaha śćviardžajuć, što pierad śmierciu jaho katavali: na paśmiarotnych fotazdymkach mužčyny nibyta bačnyja ślady parazy elektrašokieram i siniaki ad udaraŭ dubinkami.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły9
Kamientary