«Krytyčnaja masa» ŭ Minsku skončyłasia brutalnymi zatrymańniami ŭdzielnikaŭ
U apošniuju piatnicu miesiaca ravarysty mnohich krain ładziać masavy zajezd «Krytyčnaja masa». Takim čynam jany chočuć źviarnuć na siabie ŭvahu haradskich uładaŭ i zmusić zrabić horad zručniejšym dla viełatranspartu. Taki ž zajezd mieŭ adbycca siońnia, 29 krasavika.
Jak paviedamlajuć udzielniki akcyi, pad Opiernym teatram na pačatku zajezdu było kala 35 ravarystaŭ, 10 asob u cyvilnym i čaćviora amapaŭcaŭ.
U 19:23 kałona rušyła z-pad teatra. U 19:42, kali ravarysty dajechali da steły, kaniec kałony padrezaŭ bardovy mikraaŭtobus. Ź jaho vyskačyli amapaŭcy i pačali chapać udzielnikaŭ. Šeść čałaviek kinuli na padłohu aŭtobusa tvaram uniz, nanieśli ŭdary pa tvarach i žyvatach, źvierchu kinuli na ich rovary i pavieźli ŭ Centralny RUUS. Adzin z zatrymanych — naziralnik ad BCHK Kirył Kožanaŭ.
Padrabiaznaści zdareńnia vyśviatlajucca. Infarmacyi z RUUS pakul niama.
Nahadajem, što zaŭtra ŭ Minsku maje adbycca aficyjnaje adkryćcio viełasiezonu — viełakarnavał «Viva, Rovar!». Dla jaho praviadzieńnia ŭłady navat pierakryvajuć praśpiekty.
* * *
Viersija milicyi: viełasipiedysty pačali bojku z DAIšnikami i parvali adnamu ź ich formu
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary