Parłamient Turcyi adobryŭ zakonaprajekt ab mahčymaści pazbaŭleńnia deputataŭ niedatykalnaści. Jaho padtrymała bolšaść zakanadaŭcaŭ (376 čałaviek z 550).
Zakon nabudzie moc paśla taho, jak jaho padpiša prezident krainy Redžep Taip Erdahan, jaki ŭžo nazvaŭ hetaje rašeńnie deputataŭ histaryčnym.
«Moj narod nie choča bačyć vinavatych u čym-niebudź zakanadaŭcaŭ u hetym parłamiencie, asabliva tych, chto padtrymlivaje sieparatysckuju terarystyčnuju arhanizacyju», — skazaŭ Erdahan.
Prezident mieŭ na ŭvazie členaŭ prakurdskaj Narodnaj Demakratyčnaj partyi, jakuju jon ličyć častkaj zabaronienaj u krainie Rabočaj partyi Kurdystana.
U svaju čarhu členy partyi zajavili, što pryniaty zakon nakiravany na toje, kab prybrać ich i inšych pradstaŭnikoŭ apazicyi z parłamienta.
Pieramirje pamiž RPK i tureckim uradam było parušana ŭ lipieni minułaha hoda.
U krasaviku hetaha hoda Erdahan zaklikaŭ ułady krainy pazbaŭlać hramadzianstva pamahatych teraryzmu.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary