«Noŭtbuk» novaha typu za $99 vypuściać u nastupnym hodzie
Raspracoŭščykam dok-stancyi Superbook, jakaja pieratvaraje luby smartfon z Android u bazavy noŭtbuk, udałosia sabrać 2,95 młn na sajcie Kickstarter mietadam «narodnaha finansavańnia». Superbook źjavicca ŭ prodažy ŭžo ŭ nastupnym hodzie i budzie kaštavać $99.
Dok-stancyja dla smartfonaŭ Android sabrała $3 młn achviaravańniaŭ
Prajekt pa stvareńni dok-stancyi, jakaja budzie pracavać ź lubymi smartfonami z prašyŭkaj Android, atrymaŭ nieabchodnyja inviestycyi. Raspracoŭnikam Superbook ŭdałosia sabrać $2,95 młn na sajcie Kickstarter — sistemie «narodnaha finansavańnia» (kraŭdfandynhu) navukovych i techničnych pačynańniaŭ. Kampanija Andromium Inc. abiacaje vypuścić pradukt na rynak u 2017 hodzie. Cana adnoj stancyi składzie $99. Na sajcie Kickstarter achviaravańni na karyść prajekta ździejśnili 16 732 čałavieki.
Charaktarystyki Superbook
Superbook — heta dok-stancyja, h.zn. korpus z ekranam i kłavijaturaj, jaki vykarystoŭvaje dla pracy pracesar, apieratyŭnuju pamiać i dysk padklučanaha smartfona. Superbook budzie abstalavany ekranam z dyjahanallu 11,6″ i razroznaściu 1366x768 piksielaŭ. Akumulatar stancyi raźličany na 10 hadzin aŭtanomnaj pracy i moža padsiłkoŭvacca ad smartfona praz USB-port. Sam smartfon taksama možna budzie zaradžać ad Superbook.
Stancyja sumiaščalnaja z bolšaściu smartfonaŭ z prašyŭkaj Android 5.0 i vyšej, u jakich jość party micro-USB abo USB-C. Kab Superbook pačaŭ pracu, da jaho treba z dapamohaj kabiela padklučyć smartfon, na jakim ustanoŭlenaja Andronium OS.
Superbook dazvolić adkryvać niekalki voknaŭ adnačasova i pracavać z prahramami Chrome, Gmail, Microsoft Office, Facebook, a taksama mnohimi inšymi, jakija jość u Google Play. Siensarnaja panel moža padtrymlivać niekalki dotykaŭ adnačasova.
Pačynajučy zbor srodkaŭ, raspracoŭščyki aryjentavalisia na bazavuju madel Superbook. Ale pa miery pastupleńnia hrošaj stała jasna, što da jaje možna dadać udaskanaleny akumulatar, kłavijaturu z padśvietkaj i dadatkovuju opcyju razroźnieńnia 1080 piksielaŭ dla ekrana. Akramia taho, kožnaja pryłada budzie pastaŭlacca pakupniku ŭ čachle z vuhlarodnaha vałakna.
Akramia smartfona, z Superbook zmohuć pracavać inšyja hadžety: adnapłatavy kampjutar Raspberry Pi budzie vykarystoŭvać jaho jak dok-stancyju, a płanšet Microsoft Surface, Macbook i mini-kampjutar PC stick — jak druhi ekran.
Dok-stancyi dla smartfonaŭ na suśvietnym rynku
Superbook — heta nie pieršaja sproba pieratvaryć smartfon u bazavy noŭtbuk za adnosna nievialikija hrošy. U 2011 hodzie na rynku źjaviŭsia smartfon Motorola ATRIX 2, dla jakoha była vypuščanaja dok-stancyja Lapdock 100 z dyjahanallu ekrana 10″. Pry hetym smartfon ustaŭlaŭsia ŭ stancyju z tylnaha boku.
U 2012 hodzie pabačyŭ śviet ASUS PadFone — kamplekt z smartfona, płanšetnaha modula i kłavijaturnaj stancyi. Dyjahanal ekrana płanšeta składała 10,1″. Smartfon treba było ŭstaŭlać unutr płanšetnaha modula i zakryvać admysłovym viečkam.
U 2014 kampanija Microsoft pasprabavała vyrašyć prablemu pieratvareńnia svaich smartfonaŭ u PK z dapamohaj funkcyi Continuum, jakaja dazvalaje padklučyć ich da manitora, myški i kłavijatury.
U 2016 adbyŭsia vychad smartfona HP Elite ch3, jaki pracuje sa stancyjaj HP Elite x3 Lap Dock, što vonkava nahadvaje noŭtbuk z dyjahanallu ekrana 12,5″. Dla HP Elite ch3 była taksama vypuščanaja nastolnaja dok-stancyja HP Desk Dock, jakaja składajecca z tradycyjnaj kłavijatury i padstaŭki dla smartfona, pry hetym nie maje ŭłasnaha ekrana. Sam smartfon kaštuje kala $699, u kamplekcie sa stancyjaj — $799.
Kamientary