U Minsku adkryŭsia JYSK — dacki kankurent «Ikiei» FOTY
U Minsku raspačała pracu krama tavaraŭ dla domu JYSK. U handlovym centry «Hipa» (Hareckaha, 2) pamiaškańnie zajmaje 2300 kvadratnych mietraŭ, a ŭ samoj kramie klijentaŭ buduć absłuhoŭvać 30 supracoŭnikaŭ. Pa padlikach kampanii, inviestycyi ŭ adkryćcio skandynaŭskaj sietki kramaŭ u Biełarusi skłali 1,2 miljona jeŭra.
Pa słovach hienieralnaha dyrektara ŭ krainach Bałtyi i Biełarusi Dace Zundure, JYSK bačyć patencyjał u Biełarusi jak u novym rynku, tak i ŭ novym vytvorcy i eksparciory svajoj pradukcyi. Darečy, sietka prysutničaje ŭ 45 krainach.
Amal usie tavary raźličanyja na dobraŭparadkavańnie kvatery. Santechniki, žyrandolaŭ, tavaraŭ dla ramontu tut niama. Zatoje pradajucca mebla, ručniki, dyvany, upryhožvańni dla domu i drobnyja tavary, jakija dapamahajuć bolš erhanamična rasstavić rečy ŭ kvatery.
Bolšaść tavaraŭ, jakija pradajucca ŭ JYSK u Biełarusi, zroblenyja ŭ Kitai, Łatvii, Banhładešy, Indyi, Danii. Ale šmat pradukcyi vyrablena i ŭ Biełarusi.
Bolš za toje, biełaruskija tavary buduć pradstaŭleny ŭ 27 kramach u Jeŭrasajuzie.
***
JYSK — dackaja sietka, jakaja prapanuje tavary ŭ katehoryi «ŭsio dla doma». Pieršaja krama JYSK była stvorana ŭ dackim Orchusie ŭ 1979 hodzie Łarsam Łarenam.
JYSK — kankurent šviedskaj «Ikiei», jakaja pakul što ŭ Biełaruś nie pryjšła.
Kamientary