Čatyry bujnyja daŭhabudy ŭ pryharadzie Minska mohuć pierajści ŭ ruki dziaržavy

Dakumient pryniaty ŭ metach naviadzieńnia paradku na ziamielnych učastkach ź nie zavieršanymi niezakansiervavanymi abjektami, raźmieščanymi na terytoryi, prylehłaj da aŭtamahistralaŭ u pryharadnaj zonie Minska. Havorka idzie pra čatyry kampanii, jakija doŭhi čas nie ažyćciaŭlali budaŭnictva abjektaŭ u adpaviednaści z pryniatymi na siabie abaviazkami.

Tak, kampanii «Zasłaŭski zamak» i «Kapłajn» chacieli pabudavać haściničnyja kompleksy ŭ Minskim rajonie. «Aktan-AZS-Servis» mieŭ namier uźvieści aŭtazapraŭku z kompleksam darožnaha servisu. A «Handlovy śviet — Kalco» maryŭ pra pašyreńnie Centralnaha aŭtamabilna-rečavaha, budaŭničaha i charčovaha rynkaŭ, budaŭnictva haściavoj aŭtastajanki.

Ukazam kampanijam pradpisana na praciahu dvuch miesiacaŭ pravieści adčužeńnie daŭhabudaŭ, jakija im naležać, albo ažyćciavić ich znos z pryviadzieńniem ziamielnych učastkaŭ u prydatny dla vykarystańnia pa metavym naznačeńni stan.

Asoby, jakija nabyvajuć abjekty, majuć prava zaviaršyć ich budaŭnictva albo ažyćciavić ich znos z pravam nastupnaha ŭźviadzieńnia kapitalnych pabudoŭ (budynkaŭ, zbudavańniaŭ) u adpaviednaści z vydadzienaj va ŭstanoŭlenym paradku dazvolnaj dakumientacyjaj. Ziamielnyja ŭčastki pradastaŭlajucca pakupnikam abjektaŭ biez praviadzieńnia aŭkcyjonaŭ i źbirańnia płaty za prava zaklučeńnia damovaŭ arendy ziamielnych učastkaŭ, havorycca ŭ dakumiencie.

Kali haspadary vyšejzhadanych kampanij nie vykanajuć pradpisanych dziejańniaŭ, to Minski abłvykankam moža pradać abjekty z publičnych tarhoŭ u adpaviednaści ź dziejnym zakanadaŭstvam. U vypadku prodažu abłasnyja ŭłady kampiensujuć jaho ŭładalniku «sumu dakumientalna paćvierdžanych vydatkaŭ na budaŭnictva abjekta, ale nie bolš za sumu, atrymanuju ad prodažu hetaha abjekta, za vylikam raschodaŭ na praviadzieńnie publičnych tarhoŭ, u tym liku acenki hetaha abjekta, a taksama lhot, jakija padlahajuć kampiensacyi ŭ suviazi ź nievykanańniem uładalnikam abjekta abaviazalnictvaŭ pa inviestycyjnaj damovie».

U vypadku, kali abjekt nie budzie pradadzieny na tarhach z dyskontam, jon pierachodzić va ŭłasnaść miascovych uładaŭ. Pry hetym čynoŭniki majuć prava pryniać adno z nastupnych rašeńniaŭ: ab praciahu budaŭnictva abjekta z mahčymaściu źmieny metavaha pryznačeńnia ziamielnaha ŭčastka; ab znosie abjekta i pryviadzieńni ziamielnaha ŭčastka ŭ prydatny dla vykarystańnia pa metavym pryznačeńni stan, havorycca va ŭkazie.

• 0
• 0
• 0
• 0
• 0
• 0
• 0
• 0