Namieśnik premjer-ministra Uładzimir Siamaška 26 śniežnia prateściravaŭ u Minsku pieršy elektrobus «Biełkamunmaša», paviedamiła pres-słužba ŭrada.
Sioleta «Biełkamunmaš» pačaŭ vytvorčaść elektrobusaŭ. U vieraśni było pradstaŭlena dźvie madeli — E420 Vitovt Electro i E433 Vitovt Max Electro — adna madel zvyčajnaja, druhaja sučlenienaja (padoŭžanaja). Płanujecca, što da sakavika-krasavika 2017 hoda na haradskich maršrutach budzie vykarystoŭvacca dvaccać takich mašyn.
Zapas chodu elektrobusa składaje 12 km. Zaradka budzie rabicca na kancavych prypynkach na praciahu piaci-siami chvilin. Taksama mahčymaja chutkaja zaradka na zvyčajnych prypynkach. Pasažyraŭmiaščalnaść elektrobusa — 153 čałavieki, miescaŭ dla siadzieńnia — 38. Technika abstalavana sistemami videanazirańnia, u sałonie jość razietki dla padzaradki telefonaŭ, noŭtbukaŭ, paviedamdiaje BiełaPAN.
Raniej vice-premjer Siamaška kazaŭ pra pieravahi elektrobusaŭ. «Jon adroźnivajecca tym, što dla pracy nie treba budavać kantaktnyja linii — stavić słupy, ciahnuć pravady. To bok nie treba nieści dadatkovyja kapitalnyja vydatki. Elektrobus maje nazapašvalnik. Zaradziŭšysia na kancavym prypynku, moža spakojna 15—16 km prajechać biez padzaradki», — tłumačyŭ jon.
«Biełkamunmaš» taksama płanuje vypuskać hibrydnyja aŭtobusy z paliŭnym i elektryčnym ruchavikami. Siamaška paśla teściravańnia elektrobusa paviedamiŭ žurnalistam, što hibrydny aŭtobus płanujecca stvaryć u Biełarusi da kanca nastupnaha hoda. «U našych płanach — dośledna-kanstruktarskaja raspracoŭka hibrydnaha aŭtobusa da kanca nastupnaha hoda. Heta vid transpartu, jaki złučaje i aŭtobus, i tralejbus. U jaho ŭbudavany nazapašvalnik, jaki vyrašaje prablemu ekanomii enierhii pry tarmažeńni, pry ruchu pad uchił. Jon dazvalaje biez padzaradki ruchacca na sotni kiłamietraŭ», — adznačyŭ vice-premjer.
Jak zajaviŭ Siamaška 30 červienia ŭ parłamiencie, va ŭradzie raźličvajuć vykarystoŭvać ajčynnuju elektraenierhiju dla raźvićcia elektratranspartu. Pavodle słoŭ vice-premjera, na praciahu hoda «Biełkamunmaš» vypuścić 10 elektrobusaŭ dla patreb Minska.
«Pakul «ciotka Kłava» pieraafarmlaje dakumienty, što jana prajšła maršrut, jon znoŭ zaradžajecca. Kali adlehłaść bolšaja za 12 kiłamietraŭ, to pa šlachu možna pastavić jašče niekalki padzaradnych pryład. Elektrobus zaradzicca, pakul idzie pasadka-vysadka pasažyraŭ», — raskazaŭ vice-premjer ab vartaściach elektrobusa.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ3
Kamientary