Pra heta paviedamiŭ žurnalistam staršynia Pastajannaj kamisii Pałaty pradstaŭnikoŭ pa mižnarodnych spravach Valeryj Varaniecki, paviedamlaje BIEŁTA.
«Na nastupnym tydni my płanujem vizit parłamienckaj delehacyi pad kiraŭnictvam namieśnika staršyni Pałaty pradstaŭnikoŭ Nacyjanalnaha schodu Balasłava Pirštuka ŭ Polšču», — skazaŭ Valeryj Varaniecki.
Čakajucca aficyjnyja vizity ŭ Biełaruś kiraŭnikoŭ parłamientaŭ Kitaja, Indyi, Iraka, Hruzii, Kazachstana, Čechii, Słavakii, Kyrhyzstana i inšych krain. Taksama sioleta płanujecca abmien vizitami z parłamientami Vjetnama, Pakistana. Paradak dnia ŭ hetym płanie dosyć nasyčany.
Napiaredadni na saviecie Pałaty pradstaŭnikoŭ byŭ pryniaty płan mižnarodnaha parłamienckaha supracoŭnictva na biahučy hod. Jon utrymlivaje 4 raździeły, u tym liku datyčycca ŭzajemadziejańnia ź mižnarodnymi parłamienckimi arhanizacyjami. Deputat nahadaŭ, što ciapier biełaruski parłamient aktyŭna pracuje ŭ 7 mižnarodnych parłamienckich arhanizacyjach, u tym liku Parłamienckim schodzie Sajuza Biełarusi i Rasii, Mižparłamienckaj asamblei dziaržaŭ SND, Parłamienckaj asamblei ADKB. Biełaruski parłamient naceleny na kanstruktyŭnuju pracu nie tolki ŭ mižnarodnych parłamienckich strukturach, ale i zacikaŭleny ŭ aktyvizacyi kantaktaŭ z parłamientami roznych rehijonaŭ i krain śvietu.
Valeryj Varaniecki adznačyŭ, što zadača parłamientaryjaŭ — pracavać na ŭmacavańnie aŭtarytetu, imidžu krainy, spryjać pašyreńnia ŭsiaho śpiektra supracoŭnictva. Heta stvaraje asnovu dla pavyšeńnia inviestycyjnaj pryvabnaści, praca parłamientaryjaŭ źjaŭlajecca vielmi važnym elemientam usioj sistemy realizacyi źniešniaj palityki ŭ krainie.
Kamientary