1. Pab-kviz, hulniateka, konkursy i biełaruskaja muzyka
Dzie: kłub «Hraj» (vuł. Internacyjanalnaja, 33)
Kali: 21 lutaha, 18:00 — 22:00
Košt: 5 rubloŭ (kvitki na ŭvachodzie ŭ kłub)
«Art-Siadziba» źbirajecca adznačyć Dzień rodnaj movy na šyrokuju nahu i zaprašaje ŭsich achvotnych dałučacca.
Pakul tyja, chto paśpieli zarehistravacca na Biełaruskuju intelektualnuju hulniu, buduć zmahacca z pytańniami pab-kvizu, inšyja zmohuć uziać udzieł u «Hulniatecy» — pačuć pra novyja biełaruskamoŭnyja nastolnyja hulni i paznajomicca ź ich aŭtarami. Kožny achvotny zmoža zhulać u «Bahača» i «Kazačnika», «Prastoł VKŁ» i «1514», «VaŭKalady» i «Paleskich archieołahaŭ», «Movu» i «Na troch kitach» dy inšyja. Tolki nie zabudźcie zahadzia zapisacca.
A 20-j hadzinie haściej čakaje prezientacyja druhoj častki knihi Hleba Łabadzienki i Alesi Litvinoŭskaj «Mova Nanova: 20 krokaŭ da biełaruskaj movy».
Paśla prezientacyi, u 20:15, vystupiać muzyčnyja hurty Zanzibar, Recha i Znarock.
2. Kruhły stoł «Mova ŭ adukacyi, navucy, zakanadaŭstvie»
Dzie: Instytut movaznaŭstva imia Jakuba Kołasa (vuł. Surhanava, 1, korpus 2, aŭd. 302)
Kali: 21 lutaha, pačatak u 15:00
Uvachod volny!
U kruhłym stale voźmuć udzieł pradstaŭniki ŭłady, deputaty Pałaty pradstaŭnikoŭ, navukoŭcy, vykładčyki, žurnalisty i amatary rodnaha słova.
Zaprošanyja hości padyskutujuć na temy biełaruskaj movy i bilinhvizmu, rolu akademičnaj navuki ŭ moŭnaj praktycy. Parazmaŭlajuć pra mahčymaści i pierśpiektyvy vykarystańnia biełaruskaj movy ŭ adukacyjnaj, navukovaj, zakanadaŭčaj i inšych śfierach hramadskaha žyćcia.
Havorka pojdzie taksama pra rolu nacyjanalnych moŭ u zachavańni kulturnaj admietnaści i nacyjanalnaj identyčnaści, pra rolu movy navuki i adukacyi ŭ farmavańni nacyjanalnaj mientalnaści, pra nacyjanalnuju movu i nacyjanalnuju ideju biełarusaŭ.
3. Ahulnanacyjanalnaja dyktoŭka z Alenaj Anisim
Dzie: ofis Tavarystva biełaruskaj movy (vuł. Rumiancava, 13)
Kali: 21 lutaha, pačatak u 17:30
Uvachod volny!
TBM zaklikaje dałučycca da dziasiataj Ahulnanacyjanalnaj dyktoŭki pa tvorčaści Franciška Skaryny, Janki Bryla i Pimiena Pančanki. Uzory možna zirnuć tut.
Dyktoŭku praviadzie namieśnica staršyni Tavarystva biełaruskaj movy, deputatka ad Staŭbcoŭska-Niaśvižskaj akruhi Alena Anisim.
Arhanizatary abiacajuć kožnamu ŭdzielniku padarunak.
4. «Dziasiatka — za Kołasa!»
Dzie: Dziaržaŭny litaraturna-miemaryjalny muziej Jakuba Kołasa (vuł. Akademičnaja, 5)
Kali: 21 lutaha, 10:00 — 17:00
Uvaha: papiaredni zapis pa telefonie (8-017) 284-17-02
Uvachod volny!
Udzielnikam štohadovaj muziejnaj akcyi «Dziasiatka — za Kołasa!» prapanujuć napisać dyktoŭku pa tvorčaści Jakuba Kołasa i vyznačyć, adkul mienavita ŭziaty ŭryvak.
Tyja, chto napišuć na dziasiatku i nazavuć tvor, atrymajuć padziaki i pamiatnyja suvieniry ad muzieja.
5. Dabračynny kancert «Rok dzieciam na Dzień rodnaj movy»
Dzie: kłub «Pab Briuhhie» (pr-t Partyzanski, 6A)
Kali: 22 lutaha, pačatak u 18:00
Uvachod volny!
Arhanizatary zaklikajuć prynosić z saboj farby, fłamastary, krejdu, papieru dla malavańnia, ałoŭki, hlinu, płastylin — usio, što moža prydasca ŭ tvorčaści. Padoranyja rečy pajeduć u adzin ź dziciačych damoŭ.
Kancert prymierkavany da Dnia rodnaj movy.
Udzieł biaruć hurty The Superbullz, «Varona», BarRokka, «Dabł!» i «R'e Mažor».
-
U Polščy vydali padručnik dla vyvučeńnia biełaruskaj movy jak zamiežnaj. Jon pasuje i dla samanavučańnia
-
Kłunki, afełak, raschrystany. Biełarusy dzielacca trapnymi biełaruskimi słovami, jakija jany vykarystoŭvajuć u ruskaj movie
-
Apošnija biełaruskija hałasy. U Łathalii poŭnaściu vymierła biełaruskaja mova
Kamientary