Caryk i Sivicki: Śpiecsłužby padsoŭvajuć Łukašenku dezynfarmacyju
Centr stratehičnych i źniešniepalityčnych daśledavańniaŭ, jakim kirujuć analityki Juryj Caryk i Arsien Sivicki, padrychtavaŭ novy dakład «Biełaruskaje dežaviu. Jak padziei 2010 hoda paŭtarajucca ŭ Biełarusi ŭ 2017 hodzie i pry čym tut «ŭkrainski scenar»?». Vykładzienaja tolki častka, całkam u adkryty dostup jon vystaŭlacca nie budzie.
Ekśpierty miarkujuć, što paśla viartańnia Łukašenki z adpačynku ŭ Sočy im prymajucca vielmi supiarečlivyja rašeńni. Jak pazityŭnyja źjavy adznačajucca prypynieńnie dziejańnia Dekretu №3, a taksama hatoŭnaść da vialikaha dyjałohu z hramadstvam, ź niehatyŭnaha — aktyvizacyja represij i zapałochvańnie nasielnictva.
«Miarkujučy pa cełym šerahu prykmiet, dadzienyja pavodziny pieršaj asoby źviazanyja z adkrytaj dezynfarmacyjaj jaho ab sutnaści taho, što adbyvajecca ŭ krainie», — miarkujuć Caryk i Sivicki.
Samym jaskravym prykładam dezynfarmacyi nazyvajecca film «Zvanok siabru», jaki byŭ prademanstravany na dziaržaŭnych telekanałach. Ekśpierty adznačajuć, što z usiaho ŭbačanaha nie vynikaje, što ŭkrainski biznesmen Smancar maje ŭździejańnie na biełaruskija pratesty.
«Apublikavanyja materyjały metanakiravana ihnarujuć rasijskija karani klučavych anarchisckich hrupovak u Respublicy Biełaruś», — miarkujuć analityki.
Rasijski śled jany bačać i ŭ dziejańni apazicyjnych arhanizacyj. Samaje cikavaje, što Caryk i Sivicki adkryta nazyvajuć ludziej u Rasii, jakija b mahli heta finansavać.
«Apublikavanyja materyjały ihnarujuć toj fakt, što aktyŭnuju rolu ŭ finansavańni pratestaŭ (asabliva - kampanii «Havary praŭdu») i kaardynacyi dziejańniaŭ uciahnutych aktaraŭ ŭ 2010 hodzie hrali rasijskija struktury i asoby, jakija pražyvali na terytoryi Rasijskaj Fiederacyi (nie ŭ apošniuju čarhu — były kiraŭnik administracyi Prezidenta Respubliki Biełaruś Leanid Sinicyn, były ministr unutranych spraŭ Respubliki Biełaruś Uładzimir Navumaŭ)».
Taksama jany adznačajuć, što aŭtary pieradačy ihnarujuć toj fakt, što rasstreły demanstrantaŭ u Kijevie ździajśniali dyviersanty, źviazanyja z rasijskimi śpiecsłužbami.
«U rešcie rešt apublikavanaja infarmacyja ihnaruje, što Rasija zacikaŭlenaja ŭ destabilizacyi ŭ Biełarusi».
«Tranślacyja hetaj infarmacyi ŭ efiry respublikanskich ŚMI spryjaje nie tolki dezynfarmacyi i dezaryjentacyi nasielnictva, ale i metanakiravana retranśluje ŭnutry krainy tyja prapahandysckija štampy, jakija apošnija dva hady sprabujuć naviazać ŭ dačynieńni da Biełarusi rasijskija ŚMI. Dadzienaje dziejańnie padryvaje nie tolki ŭnutranuju stabilnaść, ale i mižnarodny imidž Respubliki Biełaruś», — upeŭnienyja Arsien Sivicki i Juryj Caryk.
U papiarednim dakładzie Centra stratehičnych i źniešniepalityčnych daśledavańniaŭ havaryłasia, što ŭ 2017 hodzie Rasija pasprabuje skinuć Łukašenku, a taksama zabiaśpiečyć poŭny kantrol nad Biełaruśsiu.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ17
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary