Ad siońnia ŭzmocnieny kantrol na miežach Šenhienskaj zony
Z 7 krasavika kožny, chto pierasiakaje miažu Šenhienskaj zony, padvierhniecca praviercy niezaležna ad svajho hramadzianstva.
Ad siońnia kantrol na źniešnich miežach Šenhienskaj zony budzie bolš žorstkim. Kantrolu budzie padviarhacca kožnaja asoba, što pierasiakaje miažu Šenhienskaj zony, u tym liku hramadzianie krain — členaŭ ES. Hetyja miery byli pryniatyja dla bolš efiektyŭnaj baraćby z teraryzmam.
Takim čynam, hramadzianie krain — členaŭ ES stracili svoj pryvilej, bo raniej ich kantrol ažyćciaŭlaŭsia vybaračna, a pilny kantrol datyčyŭsia tolki hramadzian inšych dziaržaŭ. Zaraz kožnaha, chto pierasiakaje miažu buduć praviarać ŭ śpiecyjalnaj bazie asob, jakija adšukvajucca, a taksama ŭ bazie Interpoła. Heta aznačaje, što, imavierna, na pamiežnych punktach i ŭ aeraportach źjaviacca čerhi.
Uzmacnieńnia žorstkaści kantrolu na miežach Šenhienskaj zony zapatrabavała Francyja paśla teraktaŭ u Paryžy ŭ listapadzie 2015 hoda. Praca pa ŭviadzieńni bolš starannaha kantrolu paskoryłasia paśla teraktaŭ u Bruseli ŭ sakaviku 2016 hoda. Ličycca, što raście pahroza z boku hramadzian ES, jakija prymali ŭdzieł u bajach na baku džychadzistaŭ ŭ Siryi i Iraku, a zatym pryniali rašeńnie viarnucca ŭ Jeŭrasajuz.
Kamientary