Minski aŭtazavod upieršyniu pakazaŭ na forumie WasteTech-2017 u Maskvie ŭnikalny «mieha-pyłasos» — padmiatalna-ŭboračnuju mašynu MAZ-5917V2-F10. Śpiecmašyna sabranaja sumiesna ź niamieckaj kampanijaj Faun i zdolnaja za karotkija terminy vyčyščać haradskija darohi i vulicy, raspaviali ŭ AAT «MAZ».
Padmiatalna-ŭboračnaja mašyna ŭziała najlepšaje ad dvuch vytvorcaŭ. Na biełaruskaje šasi MAZ-5340B2 ustalavali pieradavoje niamieckaje abstalavańnie. U vyniku «mieha-pyłasos» praktyčna nie maje anałahaŭ u SND. Usiaho adna takaja mašyna zdolnaja zamianić niekalki sastarełych adzinak śpiectechniki.
Mašyna spraŭlajecca z uborkaj darohi z praktyčna lubym pakryćciom (asfaltavym abo cemientabietonnym), pryčym za raz ačyščaje pałatno šyrynioj 2,3 mietra. «Mieha-pyłasos» taksama ŭvilhatniaje pavierchniu i pahłynaje pył. Dźvie dyskavyja i adna cylindryčnaja ščotki zdymajuć płast prystałaha da darohi brudu, zhrabajuć śmiećcie da vakuumnaj ustanoŭki, jakaja jaho pahłynaje i pieramiaščaje ŭ 6-kubovy bunkier.
Novaja madel moža znajści prymianieńnie nie tolki ŭ Biełarusi. Mašynu płanujecca pastaŭlać u Rasiju i inšyja krainy SND. Akramia taho, jana, mahčyma, zojmiecca ačystkaj jeŭrapiejskich haradoŭ.
-
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
Ciapier čytajuć
U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć6
Kamientary