Vaśmimiesiačnamu niemaŭlaci ŭ Kanadzie była vypisana miedycynskaja karta, jakaja daje dostup da biaspłatnaj miedycynskaj dapamohi, u jakoj nie paznačany poł dziciaci. Nakolki viadoma, heta pieršy padobny vypadak u śviecie.
Baćka dziciaci na imia Kory Doci identyfikuje siabie jak niebinarny transhiendar, heta značyć jaki nie ličyć siabie ni žančynaj, ni mužčynam. Doci choča, kab dzicia samo abrała svaju hiendarnuju identyfikacyju, kali padraście.
Na miedycynskaj kartcy dziciaci ŭ hrafie «poł» napisana tolki łacinskaja litara U, što moža aznačać albo «niavyznačany» (undetermined), albo «nieŭstalavany» (unassigned).
Doci taksama damahajecca ad uładaŭ, kab poł niemaŭlaci nie ŭkazvaŭsia ŭ paśviedčańni ab naradžeńni.
Dzicia, jakoje atrymała imia Sirył Atli, źjaviłasia na śviet u listapadzie 2016 hoda, u domie znajomych Kory Doci ŭ pravincyi Brytanskaja Kałumbija. Takim čynam u aficyjnych asob nie było mahčymaści zaśviedčyć poł novanarodžanaha.
Doci staranna paźbiahaje zajmieńnikaŭ mužčynskaha i žanočaha rodu, addajučy pieravahu va ŭsich vypadkach karystacca słovam «jany», i śćviardžaje, što vizualny ahlad dziciaci paśla naradžeńnia nie daje mahčymaści vyznačyć, ź jakim mienavita połam toj budzie asacyjavać siabie ŭ budučyni.
«Ja vychoŭvaju ich tak, kab kali jany ŭśviedamlajuć siabie, i zmohuć vykazvać svaje dumki, jany mnie skažuć, chto jany, - kaža Kory Doci pra svajo dzicia. - Ja razumieju, što heta niemaŭla, i całkam lublu i vychoŭvaju ich za miežami paniaćciaŭ «chłopčyk» ci «dziaŭčynka», - kaža Kory Doci ŭ intervju kanadskamu telekanału CBC.
Kory Doci — hramadski aśvietnik i aktyvist «Kaalicyi biezhiendarnaj identyčnaści» (Gender-Free ID Coalition), jaki damahaŭsia likvidacyi zhadki poła dziaciej ź lubych aficyjnych dakumientaŭ.
Ciapier čytajuć
Cichanoŭski: Łukašenku treba sudzić pa łukašysckich zakonach, ale pasadzić na koł45
Kamientary