Hramadzianina Indyi trymajuć u pałonie ŭ Biełarusi i patrabujuć vykup
Maładoha chłopca pa imieni Rochit ź indyjskaha štata Charjana, jaki sprabavaŭ nielehalna patrapić u Italiju, zachapili ŭ pałon Biełarusi. Pavodle źviestak indyjskich ŚMI, jaho ŭziali ŭ zakładniki ludzi z Pakistana, piša Reform.news.
Vykradalniki dasłali siamji mužčyny videa, dzie Rochit, vidavočna źbity i napałochany, prosić pra dapamohu. Na kadrach za im stajać mužčyny ŭ maskach, jakija jamu pahražajuć.
Rochit vypraviŭsia ŭ Italiju praz tak zvany «aśliny maršrut», kab pabačyć brata. Jon skarystaŭsia pasłuhami ahienta na imia Vidžaj Šarma, zapłaciŭšy jamu kala adnaho miljona rupij (prykładna 11 tysiač dalaraŭ). Ahient abiacaŭ chutkuju pajezdku, ale paśla taho, jak chłopiec vylecieŭ z Deli ŭ Dubaj, suviaź ź im źnikła.
Paźniej siamja daviedałasia, što Rochit apynuŭsia ŭ Biełarusi, dzie jaho źbili i patrabujuć vykup. Baćka chłopca, Manodž Kumar, paviedamiŭ, što siamja ŭžo pierasłała častku hrošaj — spačatku 400 dalaraŭ, potym jašče 900, ale złačyncy ŭsio adno patrabujuć jašče 300 dalaraŭ za vyzvaleńnie syna.
Baćka adznačyŭ, što ahient, jakomu jany daviarali, ciapier nie adkazvaje na zvanki. Siamja źviarnułasia ŭ palicyju. Uładam štata Charjana paviedamili, što sprava pieradadzienaja ŭ adpaviedny adździeł, a vinavatych abiacajuć pakarać.
Dobraachvotniki dla pošuku Maksima Ziańkoviča prybyvajuć z usioj Biełarusi, jaho šukajuć piatyja sutki
Pa stanie na ranicu sierady 14‑hadovaha Maksima Ziańkoviča nie znajšli. Jakija asnoŭnyja viersii źniknieńnia
Chunta Mjanmy praviała rejd u adnym z najbujniejšych skam-centraŭ. Sotni jaho žycharoŭ uciakli ŭ Tajłand
Kamientary