16 žniŭnia ŭ sudzie Frunzienskaha rajona Minska abviaścili prysud top-mieniedžaram zabudoŭščyka «Skvič» za złačynstvy, učynienyja padčas budaŭnictva šmatpaviarchovych žyłych damoŭ u stalicy. Viktar Paŭłaŭ i Pavieł Paŭłaŭ asudžanyja na 8 i 4 hadoŭ kałonii strohaha režymu z kanfiskacyjaj majomaści, paviedamlaje tut.by.
Kiraŭnik kampanii TAA «Futbolny kłub «Skvič» Viktar Paŭłaŭ pryznany vinavatym pa č.4 art. 210 (Kradziež šlacham złoŭžyvańnia słužbovymi paŭnamoctvami) i č.3 art. 424 KK (Złoŭžyvańnie słužbovymi paŭnamoctvami). Jon asudžany na 8 hadoŭ pazbaŭleńnia voli z adbyvańniem u kałonii ŭzmocnienaha režymu. U jaho budzie kanfiskavana majomaść.
Jaho syn Pavieł Paŭłaŭ pryznany vinavatym pa č.3 art. 424 KK i asudžany na 4 hadoŭ pazbaŭleńnia voli z kanfiskacyjaj majomaści.
Kiraŭnictva FK «Skvič» abvinavačvajecca ŭ ździajśnieńni złačynstvaŭ padčas budaŭnictva žyłych damoŭ i inšych abjektaŭ nieruchomaści ŭ stalicy. Pa infarmacyi śledstva, kiraŭnik byŭ zatrymany na pačatku minułaha hoda pa spravie ab niepravamiernym vykarystańni srodkaŭ dolščykaŭ žyłoha doma ŭ adnym sa staličnych mikrarajonaŭ.
Było vyśvietlena, što kiraŭnik TAA na praciahu čatyroch hadoŭ vykarystaŭ hrošy dolščykaŭ na haspadarčyja patreby, nie źviazanyja z budaŭnictvam šmatkvaternaha žyłoha doma. Niametavaje raschodavańnie hrašovych srodkaŭ dolščykaŭ istotna zaciahnuła terminy budaŭnictva abjekta.
Akramia taho, niahledziačy na niezdavalniajučyja vyniki finansava-haspadarčaj dziejnaści tavarystva, kiraŭniku vypłačvalisia ŭznaharodžańni, suma jakich skłała bolš za 1 młrd niedenaminavanych rubloŭ. Akramia hrošaj, jamu ŭ jakaści ŭznaharodžańnia byli pieradadzienyja try žyłyja pamiaškanni ŭ pabudavanym šmatkvaternym domie.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii10
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary