Rasija ŭ aŭtorak nakłała ŭ Radzie Biaśpieki AAN vieta na vyniesieny na hałasavańnie prajekt rezalucyi, jaki praduhledžvaje padaŭžeńnie mandata dla rasśledavańnia vypadkaŭ prymianieńnia chimičnaj zbroi ŭ Siryi, paviedamlaje DW. Vyvučeńniem hetych incydentaŭ zajmajecca Sumiesnaja śledčaja kamisija ŭ składzie supracoŭnikaŭ AAN i Arhanizacyi pa zabaronie chimičnaj zbroi (Joint Investigative Mechanism, JIM), sfarmiravanaja ŭ 2013 hodzie.
Jašče adzin pastajanny siabar Rady Biaśpieki — Kitaj — ustrymaŭsia ad hałasavańnia.
Mandat misii zakančvajecca ŭ siaredzinie listapada. Apošniaja z zapłanavanych joj spravazdač, jak čakajecca, budzie pradstaŭlenaja 26 kastryčnika.
Sumiesnaja śledčaja kamisija AAN i AZCHZ była zasnavanaja ŭ adkaz na rašeńnie siryjskich uładaŭ źniščyć zapasy chimičnaj zbroi i abjektaŭ pa jaje vytvorčaści. Paźniej, kali hety praces byŭ zavieršany, mandat JIM praciahnuli. U zadačy kamisii ŭvajšło vyśviatleńnie kankretnych faktaŭ vykarystańnia chimičnych bojeprypasaŭ i vyznačeńnie adkaznych za heta asob.
U žniŭni 2016 hoda kamisija abvinavaciła jak siryjski ŭrad, tak i terarystaŭ «Isłamskaj dziaržavy» ŭ prymianieńni chimzbroi ŭ 2014-2015 hadach. Zhodna z apublikavanaj tady spravazdačaj JIM, vajennyja, jakija padparadkoŭvajucca Damasku, jak minimum trojčy ŭžyvali chłor, a terarysty ID vykarystoŭvali harčyčny haz (ipryt).
Na pasiadžeńni Rady Biaśpieki 30 žniŭnia 2016 hoda AAN Rasija admoviłasia pryznać fakty, vykładzienyja ŭ spravazdačy. Siryjski ŭrad taksama abviarhaje hetyja abvinavačvańni.
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?1
Kamientary