Ekśpierty raspaviali, dzie nie varta stavić biłbordy ź dziaŭčatami i chłopcami ŭ bialiźnie
Niadaŭna my raskazvali pra inicyjatyvu bolš za 1,3 tysiačy hramadzian Biełarusi, jakija nakiravali kalektyŭny zvarot va ŭpraŭleńnie handlu i pasłuh Minharvykankama, Saviet ministraŭ i Minkult z patrabavańniem zabaranić vykarystoŭvańnie ŭ rekłamie vyjaŭ z napaŭaholenymi mužčynami i žančynami.
Kankretnyja pretenzii byli pradjaŭleny aŭtaram rekłamy sietki supiermarkietaŭ spartyŭnaha charčavańnia Fizcult, vytvorcy parfumy «Dylis» i brenda žanočaj bializny Verally. Da zvarotu prykładalisia fotazdymki ź ilustracyjami dadzienych kampanij.
Respublikanskaja ekśpiertnaja kamisija pa praduchileńni prapahandy hvałtu, parnahrafii i žorstkaści (REK) na čale sa staršynioj Ninaj Fralcovaj razhladzieła dadzienyja materyjały i pryjšła da vysnovy, što eratyčny kampanient tam składaje mienš za 50% płoščy vyjavy, a naŭmysnaha raźmiaščeńnia mužčynskich i žanočych orhanaŭ u rekłamie nie nazirajecca.
«Dadzienaja rekłamnaja pradukcyja nie prynižaje honar i hodnaść asoby, nie parušaje ahulnapryniatyja normy marali i maralnaści, moža raźmiaščacca ŭ miescach i handlovych kropkach, raźmiaščeńnie jakich vyznačajecca miascovymi vykanaŭčymi orhanami», — padsumavali ŭ kamisii.
Ale pry hetym adznačyli miescy, dzie raźmiaščeńnie padobnaj rekłamy ŭ Biełarusi nie rekamiendavana: u mietro, blizka da ŭstanoŭ adukacyi i relihijnych kompleksaŭ, a taksama ŭzdoŭž aŭtamahistralaŭ.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ18
Kamientary