«Biełhazprambank» raspačaŭ marafon pa pieradačy biblijatekam knih Aleksijevič pa-biełarusku
Biblijateki Viciebska i Viciebskaj vobłaści pieršymi ŭ Biełarusi atrymali ŭ padarunak 452 kamplekty piacitomnaha zboru tvoraŭ łaŭreata Nobieleŭskaj premii pa litaratury Śviatłany Aleksijevič «Hałasy Utopii», vydadzienaha z dapamohaj «Biełhazprambanka».
Uračystaja cyrymonija pieradačy prajšła 21 červienia ŭ Viciebskaj abłasnoj biblijatecy.
Vydadzieny pa-biełarusku cykł «Hałasy Utopii» składajecca ź piaci knih, nad jakimi Śviatłana Aleksijevič pracavała sorak hadoŭ: «U vajny nie žanočy tvar», «Apošnija śviedki», «Cynkavyja chłopčyki», «Čarnobylskaja malitva» i «Čas sekand-chend».
Pierakładali knihi Aleksijevič najlepšyja litaratary krainy — Uładzimir Arłoŭ, Siarhiej Dubaviec, Andrej Chadanovič, Barys piatrovič, Valancin Akudovič.
Hrošy na vydańnie źbirali praz kraŭdfandynh na płatformie «Vulej». Zbor startavaŭ 21 lutaha 2018 hoda i pryciahnuŭ 231 950 rubloŭ, staŭšy samym maštabnym u historyii biełaruskaha kraŭdfandynhu, a taksama adnym z najbujniejšych u SND.
«Biełhazprambank» uziaŭ udzieł u prajekcie i raźmiaściŭ zamovu na druk dadatkovaha nakładu ŭnikalnaha piacitomnaha vydańnia. Knihi biazvypłatna pieradajucca ŭ fondy biblijatek krainy, pačynajučy ź Viciebskaj vobłaści. Usiaho viciebskamu rehijonu pieradadziena 452 kamplekty knih.
Zbor trapić jak u haradskija, tak i viaskovyja biblijateki.
«Adnosiny da dasiahnieńniaŭ u intelektualnaj halinie vyznačajuć uzrovień raźvićcia krainy i jaje mahčymaści. Biezumoŭna, my hanarymsia pryznańniem zasłuh biełaruskaha nobieleŭskaha łaŭreata Śviatłany Aleksijevič, i naša zadača — zrabić dastupnym plon jaje tvorčaści na rodnaj, biełaruskaj movie», — adznačyŭ staršynia praŭleńnia «Biełhazprambanka» Viktar Babaryka.
«Biełhazprambank» stała padtrymlivaje maštabnyja hramadskija inicyjatyvy ŭ halinie dabračynnaści (Mižnarodny fond dapamohi dzieciam «Šans»), teatralnaha i vyjaŭlenčaha mastactva (Mižnarodny forum teatralnaha mastactva «TEART», nacyjanalny historyka-kulturałahičny prajekt «Art-Biełaruś»), adukacyi (štohadovaja kanfierencyja pa kraŭdekanomicy «Novaja realnaść: vykliki dla Biełarusi»), sportu (Brescki handbolny kłub imia A.P.Miaškova).
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary