Na dziaržaŭnym pradpryjemstvie «№4» pry žanočaj kałonii ŭ Homieli ź minułaha hoda šyjuć dziciačuju chakiejnuju ekipiroŭku. Vypuścili ŭžo bolš za tysiaču kamplektaŭ.
Hiendyrektar vytvorčaści Ina Adnalubava raspaviadaje, što supracoŭnictva naładžana z 19 chakiejnymi kłubami i dziciača-junackimi spartyŭnymi škołami.
Na sublimacyjnym učastku pracujuć dźvie asudžanyja i hramadzianski śpiecyjalist. My spyniajemsia ŭ technika-kanstruktarskim adździele, dzie i pačynajecca vytvorčaść. Tut kanstrujujucca lakały, z dapamohaj jakich vyrablajecca raskroj, prašyvajucca doślednyja ŭzory.
U cechu kožnaja švačka vykonvaje apieracyju, jakaja adpaviadaje jaje kvalifikacyjnamu razradu. Novaprybyŭšyja asudžanyja navučajucca šviejnaj spravie na pracoŭnych miescach. Vučnioŭski termin — ad 3 da 6 miesiacaŭ u zaležnaści ad indyvidualnych asablivaściaŭ i pracoŭnych navykaŭ.
Švačcy Taćcianie Mielnikavaj, uradžency ahraharadka ŭ Viciebskaj vobłaści, jakaja žyła ŭ Minsku, 32 hady. Jana trapiła ŭ kałoniju pa st.415 KK (uchileńnie ad adbyćcia pakarańnia ŭ vyhladzie abmiežavańnia voli). Jak i va ŭsich asudžanych tut, heta jaje pieršaja sudzimaść. U jaje dva syny, adnamu 13 hadoŭ, druhomu — 6. U kałonii zastałosia pravieści mienš čym paŭhoda, a ŭvieś termin składaje 1 hod i 10 miesiacaŭ. Da asudžeńnia jana była pradaŭcom, tut pamianiała prafiesiju. Na vytvorčaści jana zarablaje 480 rubloŭ u miesiac.
Razam z Taćcianaj u cechu pracuje i uradženka Viciebska Anastasija Kazaŭkova. Joj 21 hod. U 2014 hodzie 17-hadovuju dziaŭčynu asudzili da 10 hadoŭ pa 328-m artykule KK — za raspaŭsiudžvańnie narkotykaŭ.
«Tut znachodžusia prykładna 3 hady. Tut skončyła dva kłasy škoły, advučyłasia na cyrulnika, u hetym hodzie pajdu na švačku-kraŭčychu, a potym, mahčyma, na atrymańnie vyšejšaj adukacyi, — dzielicca płanami Anastasija. — Z baćkami vydatnyja maju znosiny, jany mnie dapamahajuć. Siamja ŭ mianie dobraja, zabiaśpiečanaja, rodnyja pryjazdžajuć na spatkańni, jakija praduhledžany praz 2 miesiacy i 12 dzion, doŭžycca mohuć ad sutak da troch».
U dziaŭčyny lohki makijaž. Na pytańnie ab tym, navošta joj heta ŭ kałonii, Anastasija adkazvaje: «Kab padniać nastroj, uśmichnucca sabie ŭ lusterku».
Hutarym ź jašče adnoj asudžanaj, jakaja zaniataja na vytvorčaści chakiejnaj formy. Jaje zavuć Anžalika Makiej. Dziaŭčynie 29 hadoŭ, jana adbyvaje termin užo piać z pałovaj hadoŭ, zastałosia 2 hady i 7 miesiacaŭ.
Raniej pracavała ŭ handli, spartyŭnych kramach. Rodam z Homiela, ale žyła ŭ Minsku. «Nam padabajecca toje, što šyjem dla maleńkich chakieistaŭ, atrymlivajem ad hetaha zadavalnieńnie», — kaža Anžalika. Darečy, jana, jak i Anastasija, karystajecca kaśmietykaj. «Žančyna musić zastavacca žančynaj i zaŭsiody być dahledžanaj, niahledziačy ni na što», — upeŭnienaja asudžanaja. Dziaŭčyna adbyvaje termin pa č.3 art.328 KK. Nie tak daŭno jana prajšła kamisiju: pakarańnie zamieniać nakiravańniem u «chimiju». «Ja była ŭ turmie, tut, viadoma, lepš. Turma — zamknionaje pamiaškańnie, tam ciabie nie ŭciahvajuć u pracu, ale heta ŭsio roŭna ciažej. Tut ty možaš niedzie pabyć sam-nasam z samim saboj, tam ža ty pastajanna ŭ maleńkim pamiaškańni, z adnymi i tymi ž ludźmi», — adznačaje Anžalika.
-
Ministr adukacyi raskazaŭ, chto budzie adkazvać za zachavanaść mabilnikaŭ, jakija buduć zabirać u školnikaŭ
-
Bajkier z chvastom. Brescki džek-raseł na matacykle staŭ zorkaj TikTok
-
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj
Kamientary