Vice-śpikier Viarchoŭnaj Rady Ukrainy i upaŭnavažany prezidenta krainy pa mirnym urehulavańni kanfliktu na Danbasie Iryna Hieraščanka padtrymlivaje ideju ab pieranosie pieramoŭ adnosna situacyi ŭ rehijonie ź Minska ŭ inšaje miesca. Pra heta jana napisała na svajoj staroncy ŭ Facebook.
«Ja padtrymlivaju hetuju pazicyju i daŭno za heta vystupaju. I ŭžo nieadnarazova publična vykazvała niazhodu i abureńnie hałasavańniami Biełarusi ŭ AAN pa ŭsich pytańniach, što tyčacca Ukrainy, akupavanych Kryma i Danbasa. Spasyłka na niejtralny status Biełarusi nie vytrymlivaje nijakaj krytyki, bo niejtralnyja krainy (jak pakazała i ciapierašniaje hałasavańnie ab uklučeńni ŭ paradak dnia 73-j siesii Hienasamblei AAN pytańnia ab akupacyi Kryma i Danbasa) ŭstrymalisia i prahałasavali žoŭtaj knopkaj», — napisała jana.
Hieraščanka adznačyła, što Biełaruś na hałasavańni «ŭ čarhovy raz vystupiła adnym frontam z RF i ŭvajšła ŭ haniebnyja 13 [krain], jakija prahałasavali suprać, nacisnuŭšy čyrvonuju knopku». «Heta nie niejtralnaja pazicyja. Heta poŭnaje padyhryvańnie Maskvie. I takaja pazicyja całkam supiarečyć statusu krainy, jakaja źjaŭlajecca placoŭkaj mirnych pieramoŭ pa ŭrehulavańni situacyi na Danbasie », - dadała jana.
Raniej pastajanny pradstaŭnik Ukrainy pry AAN Uładzimir Jelčanka prapanavaŭ pieranieści pieramovy pa Danbasu ź Minska na inšuju placoŭku na anałahičnaj padstavie.
Kamientary