Artefakt, jaki dastali na pavierchniu ŭdzielniki sumiesnaj ekśpiedycyi archieołahaŭ i dajvieraŭ, dastaviać u Instytut historyi Nacyjanalnaj akademii navuk. Tam śpiecyjalisty praviaduć šerah daśledavańniaŭ, kab vyznačyć dakładny ŭzrost i draŭninu, ź jakoj zrobleny račny transpart. Paśla znachodka zojmie miesca ŭ adnym z muziejaŭ krainy, paviedamlaje «Biełaruś-1».
Va ŭnikalnaj apieracyi vyratavańnia staražytnaha artefakta było zadziejničana niekalki dziasiatkaŭ čałaviek. Čovien choć i znachodziŭsia na nievialikaj hłybini, ale byŭ zaniesieny hlejem, dy i ciačeńnie Niomana ŭ hetym miescy akazałasia davoli chutkim.
Spačatku abjekt abśledavali dajviery, jany zamacavali znachodku na admysłovaj ramnaj kanstrukcyi. Dziakujučy aŭtamabilnamu kranu staradaŭni čovien udałosia padniać na bierah, dzie archieołahi zmahli vyznačyć sapraŭdnuju kaštoŭnaść artefakta.
Unikalnaść hetaj znachodki ŭ tym, što na siońnia heta samy vialiki čovien-daŭblonka ŭ Biełarusi. Jaho daŭžynia — bolš za 8 mietraŭ. A heta značyć, što i ŭzrost — nie mienš za 200 hadoŭ.
Vyjavić taki staradaŭni artefakt atrymałasia dziakujučy miascovym žycharam. Aleh Volikaŭ časta rybačyŭ na hetym učastku Niomana. Mienavita jaho blasna začapiłasia za čovien. Cikaŭnaść uziała vierch, i piensijanier paviedamiŭ pra znachodku archieołaham.
Staradaŭni čovien dastaviać u Instytut historyi, dzie śpiecyjalisty praviaduć šerah daśledavańniaŭ.
Udzielniki ž navukovaj ekśpiedycyi praciahnuć pracu na bierahach Niomana. Miascovyja žychary ŭžo paabiacali pakazać jašče niekalki miescaŭ, dzie, mahčyma, zatoplenyja padobnyja čoŭny.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary