Jak viadoma, rasijskija futbalisty Alaksandr Kakoryn i Pavieł Mamajeŭ znachodziacca pad vartaj — im pahražaje da siami hadoŭ źniavoleńnia za źbićcio troch čałaviek na pačatku kastryčnika.
Paśla pravasłaŭnaha Rastva jany voźmuć udzieł u futbolnym matčy suprać supracoŭnikaŭ SIZA «Butyrka». Ideju sustrečy pamiž viaźniami i rabotnikami izalatara ŭžo ŭchvaliła kiraŭnictva Fiederalnaj słužby vykanańnia pakarańniaŭ, paviedamlaje TASS.
«Chutčej za ŭsio, adzin tajm na pole praviadzie Kakoryn, u druhim vyjdzie Mamajeŭ. Takim čynam, jany nie ŭbačać adzin adnaho, i atrymlivać dazvoł śledčaha dla hulni nie spatrebicca. Mahčyma, jaho ŭdasca atrymać, i tady jany zmohuć zhulać užo paŭnavartasny matč», — paviedamiła namieśnik staršyni Hramadskaj naziralnaj kamisii Maskvy Jeva Mierkačova.
Pavodle dziejučych narmatyŭnych dakumientaŭ, abvinavačanyja pa adnoj i toj ža kryminalnaj spravie nie mohuć bačycca adzin z adnym biez dazvołu śledčaha, tamu Kakoryn i Mamajeŭ siadziać u roznych kamierach i naviedvajuć spartzału ŭ rozny čas.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary